Nimin ni 17th August 2026 khan Aizawl Football Club chuan Mizoram Independent Day Football-a an champion leh Khawzawl Independent Day Football a Aizawl FC Junior te an champion chu NECS Hall,Chanmari ah an lawm.
Champion lawmnaa thusawitu MLA Pu Robert Romawia Royte Aizawl FC President chuan I-Day Tournament lian 2 a nikhat thilthua a ruala an champion chu lawmawm a tih thusawiin Coaching Staff leh Players te chhuanawm a tih thu a sawi a.Aizawl FC chu ISL leh I-League champion tam zawkin an la khelh phakloh Asia Champions League Playoff chu Iran-ah kum 2018 ah alo khel tawh a,AFC Group League season khat a khelh tawh thu a sawi.
Kum 2011 atanga 2026(kum 15 chhung) Aizawl FC an enkawl chhungin harsatna leh lawmna tam tak an chhungkuain an tawn thusawiin Mizo players tam takin eizawnna tha zawk hmuhnan leh eizawnnan a hmang an tam chu a lawmna a nih thu a sawi.Mahni mai chuan a hautak lutuk avangin Aizawl FC neitu ni duh tur nasa takin kan zawng a,mahsa Mizoram atang chuan kan hmu lo a ti.
Aizawl FC chuan Academy lam uarin thui zawk kal thei turin an inbuatsaih thu a sawi bawk.
He function ah hian Pu Hmingchungnunga BOG Member a chairman a,Zorinpuiin kaihruaiin Rev Lalrinawma’n hunserh a hmang a. MFA Sr Vice President Pu PC Vanlalhruaia,ADFA Honorary Secretary Pu Lalbiakhlua,Aizawl FC Head Coach R.Lalruatfela,Samuela AFC Junior Coach ten thu an sawi a.
Aizawl FC Neitunu Pi Lalrampari’n Coaches te leh Players te Lawmpuina Rs 2000/- theuh leh Towel Sets a sem a.Tunlai India star lar Esther Hnamte in zaiin mipui a awihlim hle.Lawmthusawiin Pu Hmingthansanga’n huntawp a khar a ni.
Aizawl FC Team te hi MPL khel turin an inbuatsaih zui dawn a,Aizawl FC Junior ts hian Aizawl District First Division League an khel bawk ang.Tripura leh Assam lama inkhel tura sawm an nih angin Aizawl FC te hian zin an tum bawk a ni.
Aizawl FC in champion kawp an lawm
