Daily Newspaper

Aizawl inkharkhip a tawp dawn Kal zel dan tur ngaihtuah dawn

9

Hrileng do nan Aizawl khawpui a inkharkhip mek a, ‘partial lockdown’ kal lai hi September ni 10 atanga September ni 17 thleng tur a ni. Mizoram sorkar chuan kal zel dan tur hi a ngaihtuah dawn a, inkharkhip leh tur a ni em tih hi Ningani lamah ngaihtuah a ni dawn tih thu dawn a ni.

Health minister Dr R Lalthangliana chuan Ningani lamah inkharkhip kal lai chungchang thlirlet (review) tum a nih thu leh pawhsei tur a ni em tih pawh ngaihtuah a nih tur thu The Aizawl Post a hrilh.

“Thil a la sawi lawk theih loh. Zan khat thil thu-ah pawh thil a inthlak thei a. Chuvangin Ningani chawhma lam dinhmun thlenga kan thlir te pawh a ngaiin ka ring a. Chawhnu lamaah thil awm dan te kan han en ang a, chutiang chuan kan ngaihtuah ang,” tiin minister chuan a sawi.

Inkharkhip kal lai hi Mizoramin a hlawkpui tih a sawi a, hri do hnathawktute’n hna an thawk thei a, ‘contact tracing’ tih a awlsam tih te a sawi. Mipui an chhuah loh avangin hri pawh a darh nasat loh phahah an ngaih thu pawh a sawi a, inkharkhip lai ni lo se chu tun hnaia Covid-19 hri kai hriatchhuahte atang hian mi tam takin an kai thei nia a lan thu a sawi bawk.

“Tunah chuan hri kai thar an awm pawhin contact tracing tih a awl sawt a, sample collect a hautak lo sawt a, lockdown lai ni lo se chu positive-te nena lo inhmu leh lo awmho te hi tun aiin an tam daih dawn a,” a ti a, inkharkhip vangin hri do hna a chak tiin a sawi.

A hlawk dan chiah leh a la ngai em tih te sawi nan a la hma deuh tih sawiin, Ningani-ah mithiamte’n an review ang a, chutah chuan chiang zawkin thil a lang ang, a ti.

Dr Thangtea chuan Covid-19 hrileng dona hmanrua tlakchham a awm rih loh thu leh a theih ang anga ngaihtuah belh zel a nih thu a sawi a, district hrang hrang thuam chak zel an nih thu leh thuam zel tum a nih thu a sawi bawk.

Covid-19 hrileng do nana dan hman mek tihdanglam tum a nih thu pawh a sawi a, private damdawi inah miin hri an kai em tih enfiah a nih theih dan tur ngaihtuah mek a nih thu a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy