Daily Newspaper

Aizawl inkharkhip pawhsei rel

10

Aizawl, August 21 : Covid-19 hrileng do nana inkharkhip mek Aizawl khawpui chu kar leh Thawhtanni thleng a inkharkhip leh dawn a, hemi atan hian Ningani tlaiah order a chhuak.

August ni 16 zan atang khan Aizawl Municipal Corporation huam chhungah total lockdown puan a ni a, ni 21 zing dar 4.30 thleng atan puan a ni. Ni 20 tlaiah khan total lockdown pawhseina order a chhuak a, August ni 24 zing dar 4.30 thleng atan pawhsei a ni.

Inkharkhip pawhseina order-ah hian chief secretary Lalnunmawia Chuaungo, State Executive Committee of Mizoram State Disaster Management Authority chairman chuan tun hnaia Covid-19 natna vei hriatchhuahte chungchanga contact tracing tih nan leh mipui nawlpui sample endik (random sample test) nan te inkharkhip a la ngai tiin a ziak.

Inkharkhip chhung hian phalna nei lova Aizawl khawpuia luh leh Aizawl atanga chhuahte khap a ni a, Lengpui Aiport chu hawn a ni ang. Mahse Lengpui Airport atanga Mizorama lut turte tan phalna lak a ngai ang.

Aizawl bawrhsap chuan Auhust ni 21 leh 22 (Zirtawpni leh Inrinni) tea Aizawla chawhmeh zawrh dan tur ruahmanna a siam a, inkharkhip pawhsei rual hian hei hi information department lamin an puangzar ve nghal.

Inkharkhip chhunga chawhmeh zawrh dan tur
1. Local Level Task Force tin te’n mahni veng \heuhah a \ul dan azirin chawhmeh zawrhna tur hun leh hmun an lo ruahman ang.
2. Thingtlang/AMC pawn a\anga chawhmeh rawn supply turte’n harsatna an tawh loh nan Local Task Force tin te’n ruahmanna an lo siam tur a ni.
3. Chawhmeh bazar-a kal zawng zawngte’n mask an vuah vek tur a ni.
4. Chawhmeh lei turte’n social distancing \ha taka an vawn theih nan chawhmeh zuartute hi chutiang tih theihna tawka inhlat chuan an inzuar tur a ni. Hei hi Local Level Task Force ten uluk takin an lo vil tur a ni.
5. A theih hram chuan bazar-a in pho aiah home delivery kalpui ni se.
6. Chawhmeh zuar kal lam leh haw lamin harsatna an tawh loh nan Local Level Task Force te’n mahni veng \heuhah hma an la tur a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy