Aizawl laili kawng dungah
chauh intlanchhawk dawn
Coordination Committee on Traffic Management chu chief secretary Khilli Ram Meena kaihhruaiin Zirtawpni khan an thukhawm a. Aizawl khawpui lailia kawng dung bikah chauh lirthei intlanchhawk tir chhin an rel.
Aizawl khaw chhunga traffic tiziaawm tura lirthei intlanchhawk hi ngaihtuah ho a ni a. Kum 2019 atanga lirthei intlanchhawk hi Aizawl kawngpui (main spine) – Bawngkawn to Kulikawn via Chaltlang or Ramhlun – Chanmari, Zarkawt, Dawrpui leh Sikulpuiawn; Sikulpuikawn to Chanmari West via Temple Square, Vaivakawn leh Huntharah chauh enchhinna (trial) atan thla khat chhung kalpui tura tih a ni.
Two-wheeler leh LMV taxi-te pawh sticker pathum – A, B & C hmanga intlanchhawkin kar khata ni hnih tlan loh ni nei thin kha, kar khata ni khat chauh tlan loh ni an neih theihnan sticker panga – A, B, C, D & E hman nise, tia rel a ni. Hei pawh hi thla khat chhung enchhin tur niin, August-a kalpui tum a ni.
Heng bakah hian lirthei tlan loh ni a m-pass hmanga tlan theihna permit pek pawh ngaihtuah niin, m-pass hi essential services tan chauh pek tawh nise tia rel a ni.
Aizawl laili kawng dungahchauh intlanchhawk dawn
