Aizawl thlenga gas pipeline
phum tumah thlen chin hrilh
Indradhanush Gas Grid Limited (IGCL) in Tripura atanga Aizawl thlenga gas pipeline a phum mek leh a kaihhnawih hna danga an thlen chin sawiin IGCL aiawhin mechanical engineer David Lalrinfela chuan Nilaini khan Civil Supply minister B Lalchhanzova a hmu.
Panisagar Tripura atanga Mizoram (Sihhmui) inkara gas pipeline phum mekah sawrkarin theihtawp a chhuah pui tih minister hian sawiin, receiving terminal ram atan social impact assessment buaipui mek a ni tih a hrilh. Gas pipeline chu Mizoram mipuiin energy security an neihna kawnga thil pawimawh tak a ni, tiin, in tinah tui connection anga gas connection herh hawn theih maia kan neihna tur a nih bakah compressed natural gas (CNG) station kan neih theihna tur a ni tih a sawi.
“CNG hmang lirthei kan hman theih phah anga, lirthei hman man pawh a tlawm phah dawn a, mipuiin kan nghakhlel hle a ni,” a ti a. IGGL chu mar taka hna thawk a, a hun taka thawk zo theia inbuatsaih turin a chah.
IGGL lam hian a vaia thu in gas pipeline hi km. 127 a ni dawn tih an sawi a, Mizoram chhung bikah km.17 an phum tawh tih an sawi.
Aizawl thlenga gas pipeline phum tumah thlen chin hrilh
