Daily Newspaper

Aizawl veng 34-ah Covid-19 natna vei awm tawh

15

Ningani khan SAD Conference Hall-ah Covid-19 natna vei hriatchhuah an tam avanga hmalak dan tur ngaihtuahin sorkar mi pawimawhte an \hu a, hetah hian Aizawl khawpui veng 83 zinga veng 34-ah Covid-19 natna vei hriatchhuah an ni tawh tih sawichhuah a ni.

Ningani-a result hriatah Covid-19 natna vei hriatchhuah thar mi 141 an awm a, an zinga 138 chu ZMC-a hraitchhuah niin, sample enfiah 178 zinga 77.52% a positive tih te, Aizawl khawpuia veng 34-ah he natna vei hi an awm tawh tih te he hunah hian an sawi.

Mizoram dinhmun an sawi a, Covid-19 natna vei mi 1737 theihna Covid Care Centre (CCC) neih a nih thu te, para-military force mite pual bikin mi 303 enkawl theihna tur CCC paruk neih a nih thu te an sawi.

Aizawl khawpui leh a chhehvelah CCC hi mamawh belh a nih thu an sawi a, Tuikhuahtlang Presbyterian Kohhranin an kohhran hall an phal thu te, Tuikhuahtlang Branch YMA-in YMA hall hman an phal thu te, heng hmun hnihah hian mi 70 enkawl theih a nih tur thu te meeting-ah hian an sawi bawk.

“Covid-19 pung zel tur ven nan leh tun kan dinhmun thlirin Covid-19 frontliner te’n an hna tha tak leh chak taka an thawh theih nan hmalak a tula hriat a ni a. Contact tracing, surveillance leh sample testing rang taka tih a nih theih nan ruahmanna mumal tak siam a \ula hriat niin sorkar laipuia Ministry of Home Affairs-in Unlock 4.0 guidelines a siam thlir chungin leh a tul anga Ministry of Home Affairs rawn chung zelin thuneitu pawimawhten ruahmanna siamin hma lo la se tih a ni,” tiin an rel dan hi sorkar thuchhuahah a lang a, Ministry of Home Affairs berawn chungin a zanah inkharkhip puan a ni ta a ni.

“Vawiin thutkhawmah hian NGO Coordination Committee leh MKHC hruaitute chuan sorkarin harsatna a tawh emaw, mamawhna a neihah chuan theihtawp chhuahpui an tum thu an sawi a ni,” sorkar thuchhuah chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy