Daily Newspaper

Aizawlah containment area nihna hlip

11

Aizawl veng thenkhata Covid-19 leng inkaidarh zel tur venna atana containment zone/ area-a puan thenkhat chu Aizawl East leh Aizawl West chief medical officer-in an bial chhunga a zirchianna leh rawtna in, hrileng zel tur laka him tawha ngaih a nih angin bawrhsap chuan kharkhip bik an nihna atangin a hlip.

Aizawl bawrhsap-in Covid-19 leng mek dona atana sawrkar dan hmanlai leh hriattirna tlawhchhan hmangin, July 20-a zan dar 10.00 atang khan Kulikawn Veng-a Audy Rothanga building atanga Laltanpuia Hnamte (Venghnuai Road), Lalhmingthanga building – Vanlalhruaii building, chhungkaw 26 chu containment zone/ area atanga hlih a ni.

Electric Veng bial 1-na C. Zosanga building, Dala building, chhungkaw 14 chu containment area atanga hlih a ni. Dinthar Venga micro-containment zone/ area-a la puan lai ‘Khuangchera Section: Vanlaltluanga building (D/K-81), chhungkaw 3 chenna’ chu containment area atanga hlih a ni.

Dawrpui Venga containment zone/area-a la puan lai ‘Jail Veng area – Salvation Army CO quarter building, chhungkaw 3 chenna’ chu containment area atanga hlih a ni. Chhinga Veng Y-Section – B. Lalngaihawma in atanga H. Hrangzuala in thleng, primary school chhaklam zawng bakah K Lalropianga (L) in huam telin, chhungkaw 38 huam chin chu containment area atanga hlih a ni. Containment area-in a la huam tur te – Dr Vanlalhruaia Pachuau building( H/No.Y4/4), R Lalnghakliana building(H/No. Y-4/4B), H Hrangzuala building (H/No. Y-4/7), LT Muana building (H/No. Y-4/37), chhungkaw 13 huam chin a ni.

Chawlhhmun Veng micro containment zone/area-a puan tawh – Prof. Chawngsailova building – H. Pachhunga building inkar, chhungkaw 34 awmna chu hlih a ni a. Micro containment area hian H. Zohmingthanga in atanga Zahmingliani in thleng, chhungkaw 30 awmna chu ala huam thung ang.

Bethlehem Vengthlanga Lalliansanga Hmar colony huamchhung, chhungkaw 12 awmna chu containment area atanga hlih a ni a. Heng sawrzim area bak, Bethlehem Vengthlanga containment area-a puanah te chuan puan chhunzawm zel a la ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy