Daily Newspaper

Aizawlah containment area puan belh

14

Aizawl West leh Aizawl East chief medical officer-ten an bial chhunga Covid-19 darh zel dan an zirchianna leh rawtna angin Aizawl venga hmun thenkhat chu Covid-19 darh zel lohna atana luhchhuah theih lohna hmunah district bawrhsap chuan a puang.

Aizawl bawrhsap-in Covid-19 leng do na atana dan dinglai mek tlawhchhana thupek a siam angin, July 23 zing dar 4.00 atang khan Venghnuai Khuangchera Section-a C. Laithanruala in atanga Lalrinmawii in thleng leh, Henry Lalsangzuala in atanga H. Lalthanngura in thleng leh, V. Thangkhuma in atanga Thankhuma in thleng chu containment zone/ area-ah a puang. Buffer zone-ah Khuangchera Section-a Zaichini in, H. Lalthlengliana (L) in, Lalzarzoliana in te awm bawkin, containment area leh buffer zone-a awm hi an vaiin chhungkaw 36 an ni.

July 22 zan dar 10.00 atang khan Ramhlun Venglaia containment zone puan tawhna bul vela awm sa, D Hnunliana colony zawng bakah Thangziki building huam telin, chhungkaw 20 awmna chu containment area-ah puan belh a ni.

College Veng Vanapa Section-a Lalsangpuii in atanga David Vaikhuma leh Lalneihkima in thleng, Thansiama (L) in atanga B Lallungmuana in thleng, Lalhmangaiha leh Robert Lalnunthara te in huam tel bawkin, chhungkaw 28 awmna huamchin chu containment zone/ area-ah puan a ni. Muanna Veng-ah Chhim Veng huamchhunga Hauchhum building, chhungkaw 20 awmna chu containment zone-ah puan a ni bawk.

July 22 tlai dar 5.00 atang khan Bungkawn Vengthara Lalkhawngaihdawngi in atanga Tlangthlumi in thleng, kawngpui dung phei (EGS Road) bakah kawngchhak lamah R Laltluanga in leh Zorammuani te in telin leh Bungkawn Vengthar Main Road-a Chawngbawla Section huamchhung ami – Thanchhingi in pahnih, House No. C-10 (a hnuai C-10/1 telin) leh C-11 (a hnuai C-11/1 telin), an vaiin chhungkaw 24 awmna chu containment zone/ area-ah puan a ni.

July 22 zan dar 7.00 atang khan Chanmari West Vanapa Section-a Ropara building atangin chhim lam zawngin Ramlai Road a zawh phei ang a, kawng an zawng a huam ang. CH-Section huamchhunga B. Lalnunsiam in thleng huam tel bawkin, chhungkaw 27 awmna chin chu containment zone/ area-a puan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy