Daily Newspaper

Aizawlah lockdown pawtsei lo

7

Aizawl leh a chhehvelah Covid-19 kai an pun hluai avanga ni 10 chhung AMC huamchhunga partial lockdown puan a nih hnu ah pawtsei loin September 20 zanlai atang khan phelh a ni a, lockdown puan hmaa inthlahdulna tur inkaihhruaina siam, August 31-a sawrkarin a tihchhuah chu tlem siam danglam hretin hman chhunzawm leh a ni ang.

Partial lockdown hlih a nih hnua inthlahdulna – Unlock 3.0 hman zawm leh turah hian August 31-a September thla chhung atana inthlahdula inkaihhruaina siam chu hman leh turin State Executive Committee, State Disaster Management Authority chuan hriattirna a tichhuak a. Hemia hriattirna tihchhuahah hian September 20-a hriattirna tihchhhuahah tlem siam danglam hret a awm thung.

Hriattirna hmasaa, ‘Mizoram luhchhuahna inter-state border hawn mek – Bairabi, Vairengte leh Kanhmun kaltlang kawngpuite chu bungraw phur lirthei tan hawn chhunzawm a ni ang. Passenger phur lirthei tan erawh screening leh quarantine chungchang fel taka ruahman a nih zel theih nan Thawhtanni, Ningani leh Inrinni apiangin zing dar 6.00 atanga chawhnu dar 2.00 chhung hawn a ni ang,’ tih chu heng luhka pathumte hi bungrua leh passenger luh nan hunbi siam loa hawn reng tawh tur a ni ang.

Lengpui airport chu bungraw phur (cargo) thlawhna tan hawn chhunzawm a ni anga; commercial passenger flight-te tan erawh hawn ni a hranpaa chhuah thin a ni ang, tia hriattirna hmasaa dah chu tuna tihchhuah tharah chuan, ‘Lengpui Airport chu hawn chhunzawm a ni anga, commercial passenger flight-te tan erawh GAD (Civil Aviation Wing) in airline-te nena inrawn chung leh thlawhna an service tir dan azirin thlawhna tum hun ruahman thin a ni ang,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy