Aizawlah ruihhlo beih nat tum

Aizawla ruihhlo hluar tirem turin police-in theihtawp an chhuah dawn tih Aizawl SP Rex Zarzoliana Vanchhawng chuan a sawi.
Nilainia Aizawla thuthar thehdarhtute nen an inkawmnaah Aizawl SP thar chuan, pawikhawihna hrang hrang an zirchiannaah ruihhlo (drugs) chu a kaikung pakhat nia a lan avangin ruihhlo hluar tirem turin na taka beih an tum tih a sawi a. Khawlaia hmuh tur tam ruihhlo ngaite chu an tanna atanga chhanchhuak turin puih dan kawng ruahman tum a ni tih a sawi bawk.
Zan lam leh, a tul dan azirin chhun lamah pawh Aizawl khawpui chhungah police patrolling neih chhoh tum a ni tih a sawi a. Dan loa Mizorama lut hnamdangte endik kawngah pawh ngawrh taka hma lak tum a ni tih a sawi a ni.
Social media lama thu thehdarh chak, thlifim si lo te an pun chhoh zel avangin mipuiin thu lakna atan bera an hman a hlauhawm tih SP hian a sawi a. News lai leh dik, thitfim sa kan dawn tam theihna’n mipui pawhin kan thliar thiam a tul tih a sawi.