Aizawlah Science Day hmang
Mizoram Science, Technology & Innovation Council (MISTIC) buatsaihin National Science Day 2025 chu February 28 khan Aizawlah hman a ni a. Mizoram University registrar Prof Lalnundanga’n a hmanpui.
India ram pumah National Science Day pual hian programme hman a ni a, kumin atangin hemi puala programme hrang hrang neih hi state tinah inang veka duan a ni. A lawmna pui ber chu Vigyan Bhawan New Delhi-ah Prime minister Narendra Modi hoa hman a ni.
National Science Day 2025 pual hian scientific officer Dr Lalchhandami Tochhawng chuan kumin thupui “Empowering Indian Youth for Global Leadership in Science & Innovation for Vikshit Bharat” tih a sawi a. Science Day puala intihsiakna hrang hrang – 3rd State Level Science competition, poster insiamsiak, video insiamsiaka titha thlanchhuahte hnenah lawmman – sumfai leh chawimawina certificate hlan a ni.
He ni pual hian exhibition buatsaih niin, Mizo thalai innovator-ten an thil siamchhuah an pho a, a tlawhtute hnenah an sawifiah a ni. High school zirlai, college leh university zirlai, science NGO hrang hrang, science institution hrang hrang bakah science lama tui sawmbik dangte an tel.
Aizawlah Science Day hmang
