Chief minister Zo-ramthanga’n Aizawlah volleyball indoor sta-dium sak bultanna tur sum a awm tih a sawi hnuah sports minister Robert Romawia Royte chuan a hmun tichiang turin hma a la zui nghal.
Zorama hian Nilaini tlai khan amah kawmtu sports minister leh Mizo-ram volleyball hruaitute hmaah Aizawlah volley-ball indoor stadium din a nih theihna’n sorkarin hma a la dawn a, bul-tanna tur sum a pek theih thu a hrilh a ni.
A hmun tur sawiho nghalin Mualpuia Sports Department ramah din theih ni se an ti a, Robert Romawia chuan a hmun tura an vauchherah hian sak theihna hmunawl a awm em tih rang takin a tichiang nghal dawn tih a sawi a, an mamawhna hriatthiampuia Mizo thalaite tan an inhawnna avangin CM leh sports minister chungah volley-bal hruaitute an lawm hle.
Volleyball tuipuitute atanga nawrna nasa tak an dawn avangin hruai-tute hian Nilaini khan a office-ah sports minister an hmu a, Robert Ro-mawia chuan Mizoram infiamna hrang hrang zingah volleyball chu tun dinhmuna thang na-sa ber a ni a, a hranpaa hall neih a phu hle tih hrilhin chief minsiter office-ah a lenpui zui nghal a ni.
Mizoram sorkarin Republic Vengthlang, Aizawlah volleyball hall dinna tur lungphum a phum tawh a, mahse, khawtlangah harsatna a awm avangin kaltlang-pui theih lohin a zuzi a, sports minister chuan hrehawm a tih thu sawi-in, ama dawhkan atang ngeiin volleyball indoor stadium sak a nih theih-na’n theihtawp chhuah a tum tih a sawi a ni.
Hetih lai hian Mizo-ram Volleyball Asso-ciation chuan vawiin, Zirtawpni hian Thara Resort, Falkland-ah general body meeting an nei dawn a, tunhnai-ah boruak rit tak awm hman mah se sorkar hotute atanga thu lawmawm tak an dawn avangin zang-khai zawka ro an rel theih ngei an beisei a, district association 11-in palai an tir thei dawn tih an tichiang a, Pro Division Club aiawhte pawh an tel kim ngei turah an ngai a ni.
Aizawlah volleyball indoor stadium
