NCP (SP) leader Supriya Sule chuan Deputy Chief Minister Ajit Pawar-an Maharashtra opposition leader a nih laia Delhi-a kala Union Home Minister Amit Shah a hmu tia an puhna a hnawlna chungchangah tumah a puh ngawt ngai lo a ti.
Pawar chuan a hma in NCP tena kum 2023 a BJP te nena an tanrual hmaa Delhi-ah Amit Shah a hmu a ni tih finfiahna a awm a nih chuan politics a chawlhsan ang a, finfiahna pe thei lo an nih chuan chung mite chuan politics an chawlhsan tur a ni, a ti a.
“Tumah ka puh ngawt ngai lo. Constructive politics leh policy tha ka duh a. News channel tin ten Ajit Pawar an NCP a tihphel hma in Delhi inthup chungin a tlawh thu an tarlang a ni” tiin Sule chuan a sawi a.
Sule chuan Pawar chuan opposition leder a nih laiin inthup chungin Delhi-ah Shah chu ‘tum sawm’ lai a hmu chuan a barakhaih thu a sawi bawk a. “Delhi a news channel ten Ajit Pawar thusawi min zawh tumin mak ka ti a ni,” tiin a sawi a.
Tun hnaia media thenkhatte report-ah Pawar chuan Delhi-ah inthup chunga zinin Amit Shah chu NCP leh BJP te thawhhona a awm theih nana a hmuh thin thu a sawi thu an tarlang a.
“Thlawhnaa chuan dawnin hmaikhuhna leh lukhumte ka khum thin a, ka hming pawh ka thlak a ni,” tia Pawar an a sawi thu news outlet te chuan an sawi a.
Media report behchhan hmangin Shiv Sena (UBT) leh NCP (SP) leaders te chuan Pawar chu an sawisel a. Mahse, Nakik a report te hnenah Pawar chuan ‘politics chu ualau takin a khel’ tia sawiin, “Democracy a thawk activist ka ni a. Thup nei chungin politics ka khel ngai lo. Opposition te hian dawt hmangin leh false news hmangin min bei a ni,” a ti thung.
Hetianga opposition tena an beihna chhan chu Mahrahstra-a Mahayuti sorkar in scheme tha tak tak an kalpui mek te chu tihchhiat an duh vang a ni a ti bawk a.
“Delhi-ah inthup chungin ka zin tia sawi hi dawt a ni a. Khawiah pawh kal dawn ila, langsar takin ka kal ang. Tumah hlauh ka neih a ngai lo. Inthup chunga Delhi ka in thin tih chu finfiahna a awm a nih chuan politics ka chawlhsan ang,” tiin Ajit Pawar chuan a sawi.
Lok Sabha inthlanah khan Sule chuan a sister-in-law leh Ajit Pawar nupui ni bawk Sunetra Pawar chu Maharahstra a Baramati constituency ah a hneh a ni.
Ajit Pawar-an politics chawlhsan ngam
