Bollywood star Akshay Kumar chuan minute thum chhungin mi 184 thla a lakpui (selfie) hman a, Guinness World Record, minute 3 chhunga selfie hnem ber record a siam.
Akshay Kumar hian a channa film thar, vawiin-a tlangzarh tur ‘Selfiee’ tihlar nana Mumbai-a fans nena inthawh khawm hun an buatsaihah record hi a siam a, minute 3 chhungin mi 184 a selfie pui hman a record a siam ta a ni. A hmaa hetiang record siamtu chu James Smith, USA niin, minute 3 chhungin mi 168 a selfie pui hman a, ani hian record hi January 2018-a a siam a ni a, hetiang record hi 2015 khan Hollywood star Dwayne Johnson chuan minute 3 chhunga mi 105 selfie puiin record a lo siam ve tawh bawk.
A record siamnaah hian Akshay hi jumpsuit serthlum rawng nen a inthuam ap a,”Hetiang World Record danglam tak fan-te nen kan siam thei hi ka lawm hle a ni. Vawiin thlenga ka hlawhtlinna zawng zawng hi hmun hrang hranga fan-te min duhsakna leh min support-na avang a ni. Hei hi anmahni tana ka tih let ve pakhat a ni a, ka career-a ka tana an ding thin angin, vawiin chu an tan ka ding ve a ni,” a ti.
Akshay Kumar-a’n selfie record a siam
