Al-Ittihad lamah Fabinho inpuliam ve leh
Saudi Arabia ramah Europe-a player langsar-te an pung zel a, Liver-pool midfielder hriat hlawh ni thin Fabinho pawhin Saudi club Al-Ittihad a zawm fel ve leh.
Ram tana game 29 khel tling ve tawh Brazil
Brazil midfielder Fabinho hian tunhnaia Germany rama season thar in-buatsaihna training camp kalpui mek zawm ve loin, Singapore lama tour an neih mekah pawh a tel lo a, Arab team nen hian kum thum daih inremna an ziak.
Kum 29 mi ni ve tawh Fabinho hi Saudi club chuan pound mak-taduai 40-in an dawr a, heti zat hian club pahnih an inrem ta a ni.
Brazilian hi Liverpool chuan July 2018 khan Monaco atangin pound maktaduai 39 velin an leichhuak kha a ni a, an leina aia to hretin Reds hian an hralhchhuak thei nia ngaih a ni.
Fabinho chuan An-field club tana kum nga a khel thei kha chawi-mawina sang ber angah a ngai tih sawi chungin hun hlimawm a hmanna hmun chu a tan ‘home’ tiin a sawi a, tawnhriat hrang hrang petu Reds a hmangaih thu sawi chungin a thlahliam.
Liverpool tan game 219 khela goal 11 thun tling Fabinho hi kumin nipui insuan hun laia Al-Ittihad zawm thar play-er langsar hnuhnungber ni rihin, Saudi Pro League-ah Europe-a khel thin player langsar an pung zel.
Ballon d’Or winner leh Real Madrid striker hlui Karim Benzema bakah Chelsea midfielder hlui N’Golo Kante leh ex-Celtic forward Jota pawhin Wolves leh Spurs boss hlui Nuno Espirito Santo enkawl team hi an lo zawm fel tawh bawk.
Al-Ittihad chuan Fabinho an senglut chu player tha ber ber nena team tuaitharna an kalpui mek peng pakhat a nih thu tarlang chungin do-mestic leh international competition hrang hranga huang zauh zel an tumna kawnga thil chhinchhiah-tlak a nih thu an sawi.
Reds thuam a inbel chhungin Brazilian mid-fielder hian Anfield club chu Premier League, Champions League, FA Cup, League Cup leh Fifa Club World Cup-ah a champion-pui a; Li-verpool pawhin kum nga chhunga an club tana a hnathawhah Fa-binho chunga lawmthu sawina an tichhuak ve tawh bawk.
Tarlan tawh thin angin, Saudi Pro Lea-gue-ah hian Premier League star thin an awm ta nual a; mid-fielder ve bawk Jordan Henderson pawhin Merseyside club chhuah-sanin Saudi Ara-bia a thlengthla fel tawh a, England international hian Reds captai hlui Steven Gerrard-a enkawl tur Al-Ettifaq a zawm.
Liverpool hian tun nipui thawt chhungin an midfielder chhawr lai panga ngawt a nghetin an chhuahtir tling tawh a, midang pathumte chu contract hmang zo tawh James Milner, Alex Oxlade-Chamberlain leh Naby Keita-te an ni.
Centre-back Virgil van Dijk chuan Hender-son hmunruak luahin season tharah Liverpool captain mawhphurhna a chelh dawn a; defender Trent Alexander-Arnold pawhin Milner kut atang-in vice-captain nihna a rochun fel tawh bawk.
Al-Ittihad lamah Fabinho inpuliam ve leh
