Daily Newspaper

Alcantara ‘positive’ ve leh

16

Liverpool midfielder Thiago Alcantara chu test-ah coronavirus a kai tih hmuhchhuah a ni ve leh ta a, amahin a in-khunghrang nghal.

Kum 29 mi hi tunhnai khan Anfield club chuan German champion Bayern Munich atangin an senglut a, Chelsea muala 2-0 hnehna an channa in-khelah khan a club thar tan substitute bench atangin bul a tan a, karliamta EFL Cup-ah Lincoln khelmual lut zui ta loin, Thawhtannia 3-1-a Arsenal an hnehna game-ah pawh a inlan lo bawk.

Liverpool thuchhuah chuan Thiago taksaah hripui hnuhma chhete hmuh tur awm bawk mah se a hriselna a tha a, dam lam a pan zel nia sawiin, amah a inkhunghrang mek niin an sawi a, an club chuan hripui chungchanga inkaihhruaina dan awmte chu tha taka an zawm zel tur thu an tarlang tel.

Thawhtanni khan Pre-mier League pawhin thu-chhuah siamin, an hnuaia test an kalpui round hnu-hnungberah hri kai 10 an hmuhchhuah thu leh chu chu season an tan hnua test vawikhata positive an hmuhchhuah hnember niin an tarlang.

Liverpool hian zanin EFL Cup-ah Gunners an su leh dawn a, Pathianni Premier League-ah Aston Villa luhkhungin, inter-national break an hmang chhunzawm ang.

Chawlh hnua an league game khelh leh tur hmasaber chu Everton lamah niin, October ni 17 khian Merseyside derby an khel dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy