Nikum final ang bawkin Novak Djokovic chu Pathianni zan Wimbledon men’s singles final-ah Carlos Alcaraz hneh loin a tlawm leh a, Spaniard-in a title kawl lai a humhim.
Third seed Alcaraz hian nikum ai khan Serb second seed Djokovic hi a tham lo zual a, set thum lek khelin 6-2, 6-2, 7-6(4) hnehna nen awlsam zetin nikum Wimbledon final rematch a paltlang a, kum 21 mi lek ni chungin Grand Slam trophy pali lai a khawl tling der tawh a, chu’ngte chu Wimbledon title pahnih, 022 US Open trophy leh thla hmasa maia a sualchhuah French Open trophy-te kha a ni.
Pathianni zan final-a a tlawm leh tak avangin Djokovic tan all-time list -a Grand Slam singles title la hnem ber Margaret Court-i lak zat 25 a la pel zo leh ta rih lo a ni.
Wimbledon-a men’s singles title pariat la tling Roger Federer-a record pawh a tluk zo ta rih lo a ni.
Third seed Carlos Alcaraz khan Princess of Wales Kate kut atangin trophy a dawng a, veteran player-te chuai tan hun leh a vanglai a innang chho a, engtia rei nge a champion dawn kan thlir chho zel a ni’ang chu…
Alcaraz lakah Djokovic tlawm nawn leh
