Alex Warren ‘Ordinary’ a lar ber

Alex Warren ‘Ordinary’ a lar ber
Alex Warren ‘Ordinary’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar hnih a No.1-na a ni ta. ‘Ordinary’ hi he chart-a a hla No.1 kai thei hmasa ber a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Alex Warren ‘Ordinary’ hian kar khat chhungin streams maktaduai 65.9 leh sales 11,000 a la nei thei a, hei hi a kar hnih nan chart-ah a No.1 pui leh ta a ni.
Billboard Global 200 chart Top 5 hi kar liamta chart nen a la danglam lo va, kar 18 chhungin chart No.1 ni thei Lady Gaga leh Bruno Mars ‘Die With a Smile’ chu No.2-ah bawk a la awm a, chart-a kar 12 No.1 thei ROSE leh Bruno Mars ‘APT.’ pawh No.3-ah bawk a la awm a, chart-a kar thum No.1 thei Billie Eilish ‘Birds of a Feather’ chu No.4 a la ni a, kar sarih chhung No.1 thei Benson Boone ‘Beautiful Things’ pawh No.5-ah bawk a la awm.
Billboard Global 200 Top 10:
1 Ordinary – Alex Warren
2 Die With A Smile – Lady Gaga & Bruno Mars
3 APT. – ROSE & Bruno Mars
4 Birds Of A Feather – Billie Eilish
5 Beautiful Things – Benson Boone
6 like JENNIE – JENNIE
7 Abracadabra – Lady Gaga
8 Luther – Kendrick Lamar & SZA
9 Lose Control – Teddy Swims
10 Show Me Love – WizTheMc