Russian Presidnet Vladimir Putin chuan Alexei Navalny nupui in Kremlin beihchhun zawm zel a ni ang a tih sawina video chu a en ve lo tiin a thupuangtu chuan a sawi a. Putin thupuangtu chuan Yulia in Putin an a pasal a that tia sawi pawh behchhan nei lo leh ‘chaltlai’ tiin a sawi bawk.
Thawhtan khan Yulia Navalnya chuan Putin chu hmun kilkhawr Artic prison aa pasal tihlumah puhin a pasal ruang thuneitu tena an pechhuak duh miah lo pawh chu an hrai hlumna tur ataksa atanga a ral phawt an nghah vang tiin a sawi bawk.
“Dawihzep takin a ruang an la tuhkru tlat a, a nu hnenah pawh a ruang an la hlan duh lo va, zawi awia an hraina tur te a ral an nghak a ni” tiin Navalnya chuan a sawi a.
Yulia chuan a pasal chu Novichok-style nerve agent hmangin an tihlum ngei nia a hriat thu a sawi.
Russian thuneitute chuan karkalta Zirtawp a Navalny thihna chhan chu an la hriatchian theihloh thu sawiin an la chhui mek thu an sawi bawk a. Mahse, khawthlang ram te chuan Navalny thihnaah Putin chu mawhphurtu ah an ngai thung.
Navalny nu Lyudmila Navalny chuan karkalta Inrinni khan a fapa thihna IM-3 penal conoly lung in chu thleng tawhin mahse a ruang a hmuh tak ngial pawh phalsak a ni lo thung a.
“Vladimir Putin ka ngen a che. He harsatna hi nangmah chauhin i chinfel theih a ni” tiin a sawi a.
“Ka fapa ka hmuh remti rawh. Alexei ruang min pe chhuak nghal turin ka ngen che a, tichuan ka vui thei dawn a ni” tiin a sawi.
Russian thuneitute chuan Navalny ruang chu enfiahna neih hmasakah duhthusamin enfiah a ni lo tiin an enawn leh dawn thu an lo sawi tawh thung a. Chuvang chuan Navalny ruang chu pekchhuah mai theih a nih loh thu leh an la kawl reng rih a ngaihthu thuchhuah siamin an sawi a ni.
Navalny nupui chuan a pasal chu Russia president Vladimir Putin thupeka thah a ni tiin huaisen takin a sawi chhuah tawh chuan ngaihven a hlawh hle.
Alexei Navalny ruang pe turin a nuin ngen
