Daily Newspaper

ALL INDIA SERVICE LEH RAWNGBAWLNA

61

-Familia Fanai Lal\ansanga

(Chhunzawmna…)

(3) A tira kan tarlan SEC siam Committee-in rawtna a siam ang hian, All India Service-a tling thei mai tur thalai Kohhran member-te chu umzui a, ta neih chunga spiritual guidance ang chi, condensed course te pein envangelist /missionary tenau ah siam tum ta se. Hmun hrang hranga posting an neih hnuah pawh awmze neia ‘nurture’ zel turin umzui zel ta sela, kohhran sum seng lova, indirect missionary tangkai tak neih dan awlsam a ni thei mai lawng maw?

(4) Kan tarlan tak, SEC-in expert committee recommendations te hi a tha hle, viz. ‘(i) Synod level-a a umzuitu tur Sub-Committee/Board siam, (ii) career guidance campaign neih – Kohhran forum hrang hrangah, (iii) Consultation buatsaih – resource person atan AIS pensioner chinchang hria ruai telin, (iv) Cash Incentive siam leh chawimawina CSE-a tlingte hnenah. Heng recommendations te hi SEC-in a pawm fel hnuah Synod thuneituten thapui thawhin tihlawhtling sela, chu chuan kan thalai lehkhathiamte zingah kori a tu thui khawp ang.

VII. TLANGKAWMNA
Central Services Examination (CSE) a kan tlin tam lohna chhan bulpui ber chu kan thiam loh vang ni lovin, tumruhna leh thawhrimna kan tlakchham vang a ni ang. Kan rual u teho, a bikin kum 1970 – 1980 chhova inziak tling thinte pawh kha, thawhrimna leh tumruhna nei tlat chunga vawi thum vawi li an beih hnua IAS/IPS leh Central services hrang hranga inhlang kai te an ni; vawi khat beihnaa tling theite chu, mi tlemte kut zungtanga chhiar tham chauh an ni ang. Hemi chungchangah hian “Thawhrim hi chawlhna nuam a ni” tih finfiah nan, Revd. Chuauthuama chuan research a lo bei tawh a, a hmuhchhuahte chu a bengvar thlakin, kan thalaite tan chona a ni thei ngei ang. Kum 2015-2019, kum 5 chhunga IAS Topper-te chanchin a chhui chiang a; thil mak tak, kan tana chona lian tak ni thei chu, kum 2016-2019 inkar, kum 4 chhunga IAS Topper 4-te chu hnam hnuaihnung (OBC) leh SC mi vek an ni. Tam tak chuan heng IAS Topper te chu an zirna a tha alawm, kan ti mai thei; a dikna chin a awm ang. Amaherawhchu, kan thalai tam tak te hi zirna tha tak tak atanga lo chhuak an ni tawh hlawm, kum tina MCS/MPS tlinghote education qualifications hi a nep bik lo teh asin.

IIM chhuak te, Doctor te, Engineer te an ni nawk, a tlangpuiin Postgraduates deuh vek leh technical course hrang hranga graduates an ni thin. Hengho hian MCS mai duhtawk lovin, CSE hi bei nawn leh se; tih tak taka an beih chuan an tlin lohna chhan tur a awm lo.

• Revd. Chuauthuama hmuh dan chuan, 2019-a IAS Topper, Kanishak Kataria (Rajasthan) chu Samsung Company (Korea) ah thawkin kum khatah cheng vaibelchhe khat aia tam a hlawh. Nimahsela, India ram tan zau zawka rawngbawl a duh avangin, a hna bansanin a vawi khat exam-naah IAS Topper a ni thei, amah hi Dalit (SC) mi a ni.

• Kum 2018-a IAS Topper, Anudeep Durishetty (Telangana) hian CSE vawi li a beihnaah chhuanawm takin a tling ta a ni; beidawng duh miau hek lo le! Kum 2014 khan IRS-ah a lo tling tawh.

• Chutiang bawkin, 2017-a IAS Topper, Nandini KR (Karnataka) hi vawi hnih a hlawhchham hnuaah, a vawi thumnaah IRS a tling phawt a, a vawi 4-naah IAS Topper a ni ta a ni. PWD hnuaia Engineer ni chungin a tlin hma chu tuarchhel takin a bei zel mai a ni. He nula hi OBC mi bawk a ni.

• Tin, kum 2016-a IAS Topper, Tina Dabi (Delhi) pawh hi hmeichhia bawk niin, a vawi khat beihnaah a hlawhtling nghal, lehkhathiam thei tak a ni bawk. A hlawhtlin chhan an zawh chuan “Thawhrimna hi hlawhtlinna chu a ni” tiin a chhang mai. IAS Topper zinga naupang ber a ni nghe nghe.

• Kum 2015-a IAS Topper, Ira Singhal (UP) hi Hindu chi hnuaihnung a ni lo nain, pianphunga rualbanlo (disabled person) a ni thung. Ruh lam tha lo natna (scoliosis) a nei, amah lah 4ft. 6ins. chauh a sang a ni. 2010 kum khan IRS-ah a tling a, mahse a natna avangin IRS a zawm an phal sak lova, CAT rorelna hmaah a khing nghe nghe. Kum 2011 leh 2013-ah a tling lo leh a, 2014-ah vawi 4 a beihnaah, IAS Topper a ni ta a ni.

• Topper ni lo, IAS a naupang ber chu kum 21 mi, Auto Rickshaw Driver fapa, Ansar Ahmad Shaik (Maharashtra) chuan Class XII thleng Marathi medium school-ah a zir chhuak a. Kum 3 chhung ni khatah darkar 12 aia tlem lo lehkha zir thinin, kum 2016-a IAS tling zinga 361-na a ni.

A pa hi zu ngawl vei, nupui 3 nei a ni a, Ansar-a hi kum 4 mi a nih laiin a pa hian a zirna tihtawpsak a tum a, a zirtirtuin naupang thiam thei a nih hriain, a pa chu, a zir zel phalsak turin a nawr luih vanga zir zawm ta a ni nghe nghe.

Hengho hlawhtlinna bulpui ber chu thawhrimna leh tumruhna a ni; IAS nih an tum tlat avangin an hlawhtling ta a ni mai. Anniho ang hian kan Mizo thalaite hian bei ve se, engahnge an tlin loh bik ang? Tuna IAS leh Central Services a pensioners, rual u zawk teho hi, tunlai thangtharte school leh college kalna aia nep zawk leh chhe zawk atanga zir chhuak vek an ni; mahse an thawhrimna leh an hrat lakna vang liau liau a, hlawhtlingte an nih hi. School leh College an kal laia harsatna namen lo an lo paltlang tawhte chu, tunlai thangtharte hian a kip a kawiin hria se, an awih loh zawk ka ring thin.

Kan Zo hnahthlak unaute, Mizoram pawn, North East Region chhunga mi te hi, hman deuh atang khan, Civil Service Examination-a hlawhtlinna lamaah kan umpha ta lo deuh a ni awm e, hei hian a entir ber chu, keini aiin an thawkrim a, an tuarchhel zawk a, an tum a ruh zawk tihna a ni mai, a chhan dang a awm thei lovang. Hawh u, tan nachang i hre ve ang u, a tlawmthlak lek lek dawn alawm le!

References:
1. The Steel Frame – A History Of The IAS by Deepak Gupta, 2019; Roli Books Pvt.Ltd, New Delhi. ISBN: 978-81-938608-4-7.
2. Civil Service In The Next Millennium, by Dr. PC Alexander, Raj Bhavan, Mumbai 400 035, June 1, 1999.
3. All India Services leh Central Services Chungchang by M.Lalmanzuala
4. Revd. Chuauthuama Huang, Vanglaini dated June 15, 2019, Jan. 13 &14, 2019 leh July 20, 2019
5. Ram ka thlir a – Civil Service by HC Vanlalruata, Vanglaini Jan. 13&14, 2019

APPENDIX I

DIRECT RECRUITMENT
MIZO IAS OFFICERS

1. Jamconga Nampui: tlin kum -1955
2. C.L.Rema: 1956
3. Lalkhama : 1959
4. P.Rohmingthannga: 1961
5. S.R.Vala: 1962
6. Lalhmingliana Saiawi: 1964
7. Lal Fakzuala: 1965
8. F.Pahnuna:1965
9. Lalchhuangliana:1965
10. Hauzel Jelshiama: 1966
11. M.Lalmanzuala:1967
12. J.K.Sanglura: 1967
13. Rothanglien Hmar: 1968
14. Rin Sanga:1969
15. S.L.Sailova:1970
16. Robert Hrangdawla: 1970
17. H.V.Lalringa: 1972
18. Lalrawna Sailo: 1973
19. H.Lalthlamuana:1974
20. Haukhuma Hauzel:1974
21. P.L.Thanga:1974
22. Lalhuma 1974
23. Saichuana:1975
24. C.Lalthara:1975
25. Vanhela Pachuau:1976
26. C.Hrangthanga: 1977
27. P.C.Lawmkunga: 1978
28. L.Tochhong:1979
29. C.Lalsawta: 1981
30. Lalmalsawma: 1983
31. Liankunga: 1984
32. Lalnunmawia Chuaungo:1987
33. Lalbiaktluanga Khiangte: 1988
34. Laima Chozah:1988
35. Lungmuana Lakher: 1989
36. J.C.Ramthanga: 1989
37. Paulunthang Vaiphei: 1991
38. Lalrinliana Fanai: 1997
39. Robert Lalchungnunga Chongthu: 1997
40. Dr. Christiana Zothanpari Chongthu: 2001
41. R.Lalvena: 2001
42. Dr.Franklin Laltinkhuma: 2006
43. Saidingpuii Chhakchhuak: 2007
44. Grace Lalrindiki Pachuau: 2012
Heng hi Mizo IAS officer-te an ni a, anni bakah hian All India Service ti tha Indian Foreign Service-a an thlan tlin tak Mizo 14 vel an awm a, engemaw zat an pension tawh a. Mizo IFS hmasa ber chu Pu K.C.Lalvunga (Zikpuii Pa) kha a ni.

APPENDIX II

LIST OF SERVICES FOR WHICH THE CIVIL SERVICE MAINS EXAMINATIONS ARE CONDUCTED.

Group A
1. Indian Administrative Service
2. Indian Foreign Service
3. Indian Police Service
4. Indian P&T Accounts and
Finance Service
5. Indian Audit and Accounts Service
6. Indian Revenue Servive (Customs and Central Excise)
7. Indian Defence Accounts Service
8. Indian Revenue Service (Income Tax)
9. Indian Ordnance Factories Service
10. Indian Postal Serrvice
11. Indian Civil Accounts Service
12. Indian Railway Traffic Service
13. Indian Railway Accounts Service
14. Indian Railway Personnel Service
15. Railway Protection Force (Assistant Security Commandants)
16. Indian Defence Estates Service
17. Indian Information Service
18. Indian Trade Service
19. Indian Corporate Law Service

Group B
1. Armed Force HQ Civil Service
2. Delhi/A& N Islands/Lakswhadeep / Diu and Daman/Dadra and NH civil services
3.Delhi/A&N Islandst Lakswhadeep / Diu and Daman/Dadra and NH police services
4. Pondicherry Civil Service
5. Pondicherry Police Service
Note: Preliminary examination for Indian Forest Service is held together.

(THE AIZAWL POST – Article)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy