Daily Newspaper

AMC Sports Complex lungphum phum

9

Brigade Field Bawngkawn-a AMC Sports Complex sak tur lungphum chu Aizawl deputy mator Lalringliana chuan Nilaini zing khan a phum. Sports complex hi cheng nuai 200 senga sak tura ruahman niin, a sa tur hian AMC commissioner K. Laldingliana leh Bawngkawn Local Council chairman K. Lalmuankima ten inremna thuthlung an ziak a ni.

Ruahmanna ang chuan AMC Sports Complex saknaah hian field awm sa chei that hna thawh a ni ang a, pavillion leh gallery-te sak a nih dawn bakah dressing room leh chowkidar quarter-te pawh sak a ni ang. Field sir min hlauhawm laite pawh thawm that nghal tura tih a ni.

AMC Sports Complex lungphum phumtu Lalringliana chuan, hmasawnna pawimawh tak hmachhawp an neih avangin lawmawm a tih thu leh AMC lama a thawhpuite leh Bawngkawn khawtlang hruaitute inpekna leh thawhhona thain a hrin chhuah a nih thu a sawi a. Ram changkang apiangin insawizawi an uar tih sawiin, “Insawizawi nasa apiang an hrisel a, ram tam tak chuan sports hi industry ropui takah an chantir tawh a, he Sports Complex pawh hi tangkai taka chhawr a nih a, Mizo thalaite tan eizawnna siamtu tha tak a nih ngei ka beisei a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy