Rimawi khawvela Carrie Underwood lar chhuahna chu 2005-a American Idol season 4 winner a nihna kha a ni a, Idol winner zinga hlawhtling ber te zinga mi a ni zui ta nghe nghe a, tunah chuan a lar chhuah zaithiam thlanna show American Idol-ah hian judge a ni dawn ta.
Country music superstar Carrie Underwood hian American Idol season thara judge atanga chawl tur Katy Perry a thlak dawn niin report a awm a, hei hian American Idol boruak pawh a vawrh kang leh ta deuh.
Underwood hian American Idol season 4 winner a nih hnua studio album pakua a tichhuak tawh a, Grammy Awards pariat dawng tawhin, Academy of Country Music Awards-ah pawh entertainer of the year awards te pawh a lo dawng tawh a, Billboard Country Airplay chart-a No.1 kai thei hla 16 a nei tawh bawk.
Oklahoma khawchhuak Underwood hi American Idol nen hian an lo thawkho zauh zauh taw a, season 20-ah khan mentor-ah te pawh a tangon, top five finalist-te hruaituah te pawh a lo tang tawh bawk a ni.
Katy Perry hi American Idol-ah season sarih chhung judge a ni tawh a, he show-ah hian 2018 atang khan Lionel Richie leh Luke Bryan te nen judge panel-ah an thuho thin a, mahse, rimawi kawvelah album thar nena rawn comeback leh turin Katy Perry hian American Idol hi a chhuahsan dawn ta a ni.
‘American Idol’ judge-ah Carrie Underwood-i’n Katy Perry thlak dawn
