Amit Shah-a’n Esther Hnamte guitar a present
Mizorama rawn zin Union home minister Amit Shah chuan Mizo hmeichhe naupang zaithiam Esther Lalduhawmi Hnamte, Esther Hnamte tia hriatlar hnenah acoustic guitar a present. Inrinni kalta khan Esther-i hian Vande Mataram a peform a, chu chuan Amit Shah hi a hneh riau a ni ngei ang, guitar a present zui ta a ni.
Amit Shah hian social media X-ah hemi chungchang hi tarlangin,, “Bharat (India) hmangaihna hian min phuar khawm a ni. Mizoram hmeichhe naupang danglam Esther Lalduhawmi Hnamte-i’n Vanda Mataram a sak Aizawl-ah vawiin hian ka ngaithla a min hneh ngei mai. He hmeichhe naupang kum sarih miin Bharat Mata a hmangaihna hi a hla sakah a luangliam a, a zaiin min hneh tak zet a ni,” a ti.
Esther Hnamte hi Mizoram rimawi khawvelah chuan a hming kan hre deuh vek tawh ang a, 2020 khan Maa Tujhe Salaam a sak viral avangin India ramin a hmelhriat ve ta a, chawimawi chi hrang hrang pawh a dawng nual tawh a ni.
Amit Shah-a’n Esther Hnamte guitar a present
