Daily Newspaper

Amitabh leh Abhishek te pafa COVID-19 avangin damdawi inah an awm

9

Aishwarya Rai leh a fanu Aaradhya pawhin hri an kai

Bollywood star Amitabh Bachchan leh a fapa Abhishek Bachchan te chuan COVID-19 an kai a, chumi hnuah an chhungte pawh test ve nghal an ni a, nimin khan Abhishek-a nupui Aishwarya Rai Bachchan leh an fanu Aaradhya te pawh an COVID-19 test a positive tih Maharastra health minister Rajesh Tope chuan a puang a, Amitabh-a nupui Jaya Bachchan test erawh a negative ve thung.

Amitabh leh Abhishek te hian symptom nasa vak loh a neih avangin Nanavati Hospital, Mumbai-ah dah an ni a, Amitabh hi isolation unit-ah awmin, tunah chuan a dinhmun ngaihtuahawm a nih loh thu damdawi in thuneitu ten an puang a, Amitabh hi kum 77 a upa a nih ve tawh avangin he hri leng hi a kai tih an puan hnuah fans lamin an ngaihven lehzual a ni.

Amitabh hian Inrinni kalta khan Twitter-ah COVID-19 a kai thu hi puangin, “Covid test ka positive…damdawi inah ka lut…damdawi in lamin thuneitute an hriattir…ka chhungte leh kan hnathawktute pawh test an ni a, result kan la nghak. Tun ni 10 kalta chhunga ka bul hnaia awm te chu mahni in-test theuh turin ka ngen nghal bawk a ni,” a ti.

Abhishek pawhin Twitter-ah, “Ka pa nen COVID 19 kan test a positive. Symptom nasa vak lo kan neih ve ve avangin damdawi inah kan lut. Thuneitute kan hriattir tawh a, kan chhungte leh kan hnathawktu te pawh test an ni. Mangang leh chiai mai lo turin ka ngen che u a ni. Ka lawm e,” a ti ve bawk.

Bachchan chhungkua leh an hnuaia hnathawk midang 16 te thisen test result chu vawiin hian a chhuak leh dawn a, nimina result chhuakah Bollywood star, Miss World pawh lo ni tawh Aishwarya Rai leh a fanu Aaradhya ten hri hi an kai tih an puang ve leh ta a ni. Aishwarya leh Aaradhya te hi RAT test-ah an negetive ve ve a, mahse an sample chu RT-PCR test hnuah a positive leh si a, Jaya Bachchan pawh tunah negative mah se test nawn leh tura tih a ni. Aishwarya leh Aaradhya te hian symptom an nei lo niin report a awm a, damdawi inah an awm ve awm thawm hriat a ni lo bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy