Daily Newspaper

Amnesty International India-in India chhuahsan dawn ta

12

Amnesty International chuan India rama an hnathawh an titawp ta a. Amnesty te account hi tun thla tir lam khan khawih chet theih loha dah tawh niin sorkar chu an laka ‘witch-hunt’ kalpuiah a puh a ni.

Sorkar chu insawithiam thungin global rights watchdog te hian dan kalhin foreign fund an dawng a, Foreign Contribution (Regulation) Act hnuaiah an inziaklut lo a ti ve thung.

Press statement an siamah Amnesty te chuan ‘India sorkarin Amnesty International India bank account khawih chet theihloha an dah hi 10 September-ah kan hre chauh a, hei vang hian pawl hnathawh zawng zawngte a titawp nghal vek a ni’ tia sawiin Amnesty chuan an staff te pawh ban lo thei lova siamin an hna kal lai mek te leh research work te pawh an tihtawp vek thu an sawi bawk.

“He thil hi India sorkar in human rights organization te lakah behchhan nei hauh lova chet lakna nasa taka a kalpui tharlam ber a ni,” tiin Amnesty te chuan an sawi bawk a. Indian leh international law an zawm vek thu an sawi thung.

Amnesty chuan February thlaa Delhi riot leh Article 370 paihbo hnua Jammu and Kashmir-ah human rights bawh chhiatna chungchang report an siamah India sorkar an sawisel na hle a ni.

“Tun hnai kum hnih chhungin Amnesty Intertnational India laka chetlakna nasa taka neih niin bank account khawih chet theih loh dah hi tum reng vang a ni. Sorkar agency te Enforcement Directorate telin tum tam tak Amnesty lakah hleilenna an kalpui a, hengte hi sorkar langtlang awm se kan duh a, auchhuahna leh Delhi police te rintlak tur leh sorkarin Delhi riot leh Jammu and Kashmir a human rights a bawhchhiat chungchang kan tarlan vang a ni,” tiin Avinash Kumar, Executive Director of Amnesty International India chuan a sawi.

Sorkar official te chuan Amnesty chu Enforcement Directorate in foreign fund dawn thuah thil fel lo awma a lan avanga an chhui thu an sawi thung a.

Home Ministry chuan Amnesty te hian ‘India ramah FDI (Foreign Direct Investment) hmangin pawisa an chawlut’ an ti a, chu chu non-profit thilah phal a ni lo, an ti bawk.

Kum 2017 khan Enforcement Directorate te chuan an account khawih chet theihlohin an dahsak tawh a, Amnesty te chu court ah kalin mahse an account te chu kalh hnan sak zui an ni. Nikum khan Amnesty International UK atangin Amnestry India ah Rs 10 crore chu ministry phalna la lovin FDI angin chhunluh a ni a, CBI ten thubuai an siamsak zui nghe nghe a.

Hei bakah hian UK a pawl pakhatin home ministry remtihna la lovin Amensty India-ah Rs 26 crore an thun leh a, Amnesty te chu FCRA bawhchhiaah puh an ni ta zel a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy