Mizoram Basketball Association (MBBA) chuan a tum 15-na atan Slice small finance limited nen tangkawpin Mizorama basketball inelnaa HOT berte zinga mi, Inter School Basketball intihsiakna a buatsaih chu vawiin dar 9:30 atang hian tan a ni leh dawn ta!
He inelna hi R. Dengthuama Indoor Stadium-ah khelh tur a ni a, mi 2000 chuang khat tlata inkhel thlirtu zirlai len theihna ah hian mahni school tana zirlai fuankhawmte an fawn leh dual dual dawn – nikum lama High School leh Higher Secondary School a champion kawp a, Girls Open-ah pawh champion nomawi chawi thei cheu Mount Carmel School hi he tournament a tel school zawng zawngin an dinhmun ngaia an din theih lohna tura tan an khawh tur hi hmuh chakawm ber te zinga mi a ni.
MBBA a fimkhur
Fixture siam atangin MBBA a fimkhur a, tournament hnuhnung bera semi-finalist chinte chu seeded team an ni.
MBBA technical committee member-te’n fixture hi ‘fair’ thei ang berin an siam zui.
School naupang veivahna thlir chungin ni khatah match li chauh dah a ni a, zirlaite tan abikin haw lamah harsatna awm theite MBBA hian a venpui a ni.
Match Commissioner tawnhriatngah tawh pahnih Pu Samuel Lalthlamuana leh Pu Vanengmawiate’n an uap thin dawn bawk.
School bihchianna
School inlan tur leh an team
rawn thawhchhuahpui dan chu:
1. Primary school (Boys) – 2
2. Middle school (Boys) – 20
3. High school (Boys) – 29
4. Higher Secondary school (Boys) – 18
5. Girls Open – 8
High scool bikah hian Home Missions, St. Joseph leh Mt. Carmel-te chuan team A leh B an nei.
Higher secondary lamah pawh Mt. Carmel chuan team A, B leh C an nei thei cheu a, St. Joseph pawhin team A leh B an nei thei fan.
Thlirlet zuai ila
Nikum, kum 2024 lama Inter School Basketball Tournament hlu leh hlung tak kha a hmuna en chuan boruak sanzia kha an la sawi zui hial!
Europe lama basketball fans an sapatal ang maia nasain mahni scool tana zirlai au leh lam thaite kha a hranpa hlaka en leh thlir tham an ni.
Champion leh an coach-te kha tarlang ila :-
1. Primary School champion:
Graceland school
(Coach – Lalrintluanga, Atluanga)
2. Middle Scool champion:
Graceland school
(Coach – Lalrintluanga, Atluanga)
3. High School champion:
Mt. Carmel school
(Coach – Lalnunpuia, Nuna)
4. HSS School champion:
Mt. Carmel school
(Coach – Lalruatfela, Afela)
5. Girls Open champion:
Mt. Carmel school
(Coach – ZD Denghmingliana, Puitea)
Hoops Mania Time Out
LPS Vision chuan tun tum tournament hi inkhel hmasa ber atangin an LIVE dawn a, thlir nawn leh duh tan pawhin a hlu dawn hle.
Mizoram basketball tana tum engemawzat rawn pen chhuak a, sum rawn thehchhuak tawh thin RB Impressions, Zarkawt chu tun inelnaah pawh hian an rawn luangchhuak leh a, thawmhnaw dawr changtlung tak nei an ni a, an inpekna hi a fakawm thin hle.
Vawiina inkhel tur:
Ephraim HSS vs St. Stephen HSS 9:30 am
St. Paul’s HSS vs Greenland HSS 11:00 am
Shemford HSS vs Helen Lowry 1:00 pm
Modern vs Oikos HSS 2:30 pm