Taylor Swift-i’n a album hlui a record thar leh tak ‘1989 (Taylor’s Version)’ chu October ni 27 khan a tlangzarh a, ni nga chhung, October ni 31 thlengin US-ah copy maktaduai a hralh hman a, tunkar Billboard 200 (albums) chart-ah pawh a No.1 dawn chiang hle a ni. Taylor Swift hian kar khat chhunga US-ah maktaduai hralh tlin theih album paruk a nei tling ta a, zaithiam zingah hetiang tithei awm chhun a la ni.
Taylor Swift boruak hi a lian hle a, rimawi khawvelah na na na chuan ani aia huhang nei lian zawk tunlaiah chuan an awm tawh chuang lo. Kumina album hralh tam zual pathum Swift album vek a ni. Nikum-a a album tlangzarh ‘Midnights’ kha kumin bikah US-ah 7,78,000 hralh tawhin, kumina US-a album hralh tam ber dawttu a ni a, kumin July-a a tlangzarh ‘Speak Now (Taylor’s Version)’ chu 7,42,000 hralh tawhin, kumina album hralh tam lamah pathumna a ni a, tuna a album thar ‘1989 (Taylor’s Version)’ hi ni nga chhung lekin kumina US-a album hralh tam ber a ni der tawh bawk a ni.
Taylor Swift hian a album ‘Midnights’, ‘reputation’, original ‘1989’, ‘Red’ leh ‘Speak Now’ te chu kar khat chhungin US-ah maktaduai a hralh tling thei a, tunah ‘1989 (Taylor’s Version)’ chu maktaduai a hralh tling leh tawh a, US-ah kar khat chhunga album hrang vek maktaduai hralh tlin thei album paruk nei thei awm chhun a la ni.
‘1989 (Taylor’s Version)’ 1M hralh tling
