Forbes chuan kum 2023 chhunga lemchanthiam, film leh TV atanga hlawh tam zual list an tichhuak a, Adam Sandler chu No.1 niin, kum 2023 chhungin dollar maktaduai 73 a hlawh hman niin an chhut.
Sandler hian ama pualin production company, Happy Madison Productions a nei a, he company hian film hrang hrang a produce nual a, chung zingah chuan Netflix tana an produce ‘Murder Mystery 2’ pawh a tel. Sandler, kum 57 hian 2020 khan Netflix nena an indawr chu he streaming service tana film pali dang siam belh turin a pawtsei tawh bawk a ni.
Sandler hi film a chan bakah a produce nghal a, hei bakah hian standup comedian angin a che chhuak ve reng bawk a, show vawi khatah dollar 4,00,000 chuang a hlawh thei bawk a ni.
He list-a No.2 chu Barbie changtunu Margot Robbie, kum 33, a ni a, ani hian 2023 chhungin dollar maktaduai 59 a hlawh hman niin an chhut. Margot Robbie channa Barbie film hi kum 2023 chhunga US-a film tlangzarh sum lalut hnem ber niin, dollar maktaduai 636 chuang a lalut thei a, khawvel huapin dollar tluklehdingawn chuang a lalut tawh bawk. Robbie pawh hi actress a nih bakah movie producer a ni ve nghal bawk a ni.
2023 Top 10 Highest paid Actors:
1. Adam Sandler – $73 million
2. Margot Robbie – $59 million
3. Tom Cruise – $45 million
4. Ryan Gosling (tie) -$43 million
4. Matt Damon (tie) – $43 million
6. Jennifer Aniston – $42 million
7. Jason Statham (tie) – $41 million
7. Leonardo DiCaprio (tie) – $41 million
9. Ben Affleck – $38 million
10. Denzel Washington – $24 million
2023-a actor hlawh tam ber Adam Sandler
