Gospel music tana chawimawina sang Gospel Music Association-in an buatsaih 2023 GMA Dove Awards nomination an puang a, Bradon Lake a langsar ber a, nomination 11 a nei a, chung zingah chuan artist of the year a tel a, he category-ah hian CeCe Winans, for KING + COUNTRY, Lauren Daigle leh Phil Wickham te nen an awm ho. Nikum khan he category-ah hian Winana hian award a dawng a, for KING + COUNTY leh Daigle te pawhin he category-ah hian award tum hnih ve ve an lo dawng tawh bawk.
Brandon Lake hian song of the year category nomination-a lang hla pathum ‘Fear Is Not My Future,’ ‘Gratitude’ leh ‘Same God’ hlaah te co-writer credit a nei nghe nghe a ni.
Lake, kum 33, hian Dove Award pathum a lo dawng tawh a, Billboard Hot Christian Songs chart-ah No.1 kai thei hla pahnih- Elevation Worship a feature-na ‘Graves Into Gardens,’ leh ama hla ‘Gratitude’ te a ni.
2023 GMA Dove Awards nomination-ah hian songwriter Jeff Pardo-a’n nominatio pariat a nei a, Jason Ingram leh Kirk Franklin ten paruk ve ve an nei bawk. New artist of the year-a nominee Katy Nichole chuan nomination pali neiin, hmeichhe zinga nomination-a lang tam ber a ni a, Daigle, Naomi Raine leh Tasha Cobbs Leonard ten nomination pathum theuh neiin an dawt.
2023 GMA Dove Awards hi October ni 17-ah Nashville-ah an sem dawn a, kumin he award an sem vawi 54-na tur a ni.
2023 GMA Dove Awards nomina-tion-ah Brandon Lake a langsar
