Zan hnih sem tur, K-pop award show, 2023 MAMA Awards zan khatna chu Thawhlehni zan khan an nei ta a, BTS leh ZEROBASEONE ten award pahnih ve ve an dawng. BTS hian award ngaihhlut Samsung Galaxy worldwide icon of the year award leh worldwide fans’ choice an dawng a, worldwide icon of the year hi tum ruk an dawnna a ni ta. ZEROBASEONE hian favorite new artist (he award hi RIIZE nen an dawng ve ve) leh worldwide fans’ choice an dawng ve bawk. Worldwide fans’ choice hi a dawngtu 10 an awm a ni.
A zan khatnaah hian ATEEZ, ENHYPEN, Lim Young Woong, NCT DREAM, SEVENTEEN, Stray Kids, TOMORROW X TOGETHER leh TWICE ten award an dawng bawk.
Award sem zan khatnaah hian &TEAM, Dynamicuduo, ENHYPEN, INI, JO1, JUST B, Kepler, Lee Young Ji, STREET WOMAN FIGHTER 2, TOMORROW X TOGETHER, TVXQ!, xikers leh Yoshiki te an perform a, Jaehyun, Gong Eunchae, Anton, Choi Hyun Suk, Yoshi, Haruto leh Zhang Hao ten special collaboration performance an nei bawk.
2023 MAMA Awards zan khatna winner-te chu:
SAMSUNG Galaxy Worldwide Icon of the Year: BTS
Worldwide Fans’ Choice: ATEEZ, BTS, ENHYPEN, Lim Young Woong, NCT DREAM, SEVENTEEN, Stray Kids, TOMORROW X TOGETHER, TWICE, ZEROBASEONE
Favorite New Artist: RIIZE, ZEROBASEONE
Inspiring Achievement: TVXQ!
Favorite Asian Male Group: INI
Favorite Asian Female Group: Kep1er
Favorite International Artist: Yoshiki
Galaxy Neo Flip Artist: TREASURE
bibigo CULTURE & STYLE: STREET WOMAN FIGHTER 2