2023 Tony Awards nomination an puang
Live Broadway theatre a chetha te pual chawimawina Tony Award nomination an puang a, kum nga kalta a he award semna show host dun tawh Josh Gorban leh Sara Bareilles te chu best actor leh best actress nominee niin, award show-ah an rawn inlan dun leh dawn e.
Khawvel award ngaihhlut zual pali a nei a, TV lama Emmy Award, music lamah Grammy, movie lamah Oscar leh live theatre lamah Tony award te niin, heng award pali te dawng vek thei hi mi tlemte chauh an la awm a, chutiang ti thei chu EGOT tiin an sawi mai thin a ni.
Josh Gorban hi ‘Sweeney Toff: The Demon Barber of Fleet Street’ avangin best actor (musical)-ah nominate a ni a, Sara Bareilles hi ‘Into the Woods’ avangin best actress (musical)-ah nominate a ni ve thung. Gorban tan he award-ah hian acting category-a nomination a neih vawi hnihna a ni a, Bareilles tan a vawi khatna a ni ve thung a, ani hi best original score-ah nominate a ni bawk.
Kumin nomination-ah hian ‘Some Like It Hot’ a langsar ber a, nomination 13 a nei a, ‘Juliet’, ‘New York,’ leh ‘Shucked’ ten nomination pakua theuh neiin an dawt a, Kimberly Akimbo leh Sweeney Todd: The Demon Barber of Fleet Street’ ten nomination pariat ve ve an nei bawk.
Kuimin Tony Award hi a vawi 76-na tur a ni tawh a, June ni 11-a sem tur a ni.
2023 Tony Awards nomination an puang
