2024 Grammy Awards, rimawi lama khawvel huapa chawimawina sang ber, rimawi tana zan ropui ber an tih thin chu an rama February ni 4 zan, keini tana February ni 5 tuk khan host Trevor Noah kaihhruaina hnuaiah an sem leh ta, award langsar leh award ngaihhlut zual te chu hmeichhe zaithiamin an dawng deuh vek a, Taylor Swift pawhin award ngaihhlut ber te zinga mi album of the year dawng lehin, he category-a solo artist award dawng ngun ber record a siam ta bawk.
66th Grammy-ah hian award ngaihhlut zual pali, ‘Big Four’ category an tih mai, Album of the Year, Record of the Year, Song of the Year leh Best New Artist te chu hmeichhe zaithiamin an dawng vek a, Record of the Year hi Miley Cyrus-in a hla hit ‘Flowers’ avangin a dawng a, Billie Eilish-i’n Barbie film hla atana a sak ‘What Was I Made For’ avangin Song of the Year a dawng a, Victoria Monet-i’n Best New Artist a dawng bawk.
Nomination an puan khan SZA a langsar ber a, nomination pakua a nei a, ani pawh kut ruakin a hawn bik lo. Nomination-ah hian Serban Ghenea, Victoria Monét Taylor Swift, Jack Antonoff, Miley Cyrus, Billie Eilish, Olivia Rodrigo, Jon Batiste, Brandy Clark, Phoebe Bridgers leh boygenius te pawh a langsar zual an ni a, award semnaah pawh a langsar pawl an la tang chhunzawm zel e.
Taylor Swift hian a album ‘Midnights’ avangin album of the year a dawng a, he category-ah hian award pali a dawng tling ta a, solo artist zingah he category-a award dawng ngun ber a ni ta. Swift chuan award dawn paha lawmthu sawiin, “Hei hi ka nuna hun hlimawm ber a ni tih lawm takin kan hrilh teh ang che u. Mahse, hetiang tho hian hla ka phuah zawh hlimah emaw, ka duh zawng bridge kan puitlin theih te emaw, music video kan siam lai leh ka dancer te emaw ka band te emaw nena Tokyo-a show nei tura rehearsal kan neih lai te pawh hian ka hlim thin,” a ti.
Swift chuan, “Ka tan chuan award hi hnathawh a ni a. Ka duhthusam chu hetiang tih reng theih hi a ni. Nuam ka ti em a ni. Min tihlim tak zet a. He award atan vote thlaktu ten an lo hlimpui ve tih ka hriat hian min tihlim lehzual a ni. Ka duthusam chu hetiang tihreng theih hi a ni mai,” a ti bawk.
Taylor Swift hian Album of the Year hi 2014 khan a vawi khat nan ‘Fearless’ avangin a dawng a, 2014-ah ‘1989’ avangin a dawng leh a, 2020-ah ‘Folklore’ avangin a dawng tawh bawk a, tunah ‘Midnights’ album avangin a dawng leh ta a ni. He category-ah hian tum thum award dawng thei hi zaithiam dang pathum- Stevie Wonder, Paul Simon leh Frank Sinatra te an awm a, anni pathum nen hian an awmho dal dal a, kuminah Swift hian award a dawn leh takin avangin record a siam ta a ni.
Kumin hian Swift hian nomination paruk a nei a, chung zingah chuan award pahnih dawngin, Album of the Year bakah Best Pop Vocal Album a dawng tel a, tihian a Grammy dawn tawh zawng zawng chu 14 a tling ta a, nomination 47 a nei tawh bawk a ni.
Serban Ghenea chuan Swift album-a engineer/mixer angin award a dawng a, ani hi album of the year vawi nga dawng thei hmasa ber a ni. Ghenea hi chu artist a ni lo tih hre tel tho ila! He Canadian engineer/mixer hian Swift album dang ‘1989’ leh ‘Folklore’ avangin album of the year hi a dawng tawh a, Adele album ‘25’ leh Bruno Mars album ‘24K Magic’ avangin a dawng tawh bawk.
Billie Eilish leh a u Finneas te chuan ‘What Was I Made For?’ avangin Song of The Year an dawng a, he category-ah hian an unau tho hian Bad Guy avangin an lo dawng tawh bawk a, tihian he category-a award dawng tam ber zingah an awm ve ta a, Henry Mancini & Johnny Mercer, James Horner, Will Jennings, U2, Adele, Bruno Mars & Christopher Brody Brown leh Dernst Emile II (D’Mile) ten award pahnih theuh an lo dawng tawh bawk a ni.
‘What Was I Made For?’ hi Oscar award-ah pawh best original song dawng tura rinkai a ni a, he award hi a dawng a nih chuan tun kum 46 chunga Grammy song of the year leh Oscar best original song dawng kawp thei hmasa ber a ni dawn a ni.
Victoria Monet pawhin Best New Artist a dawng a, tihian tun kum sarih chhung chu a zawnin he category-ah hian hmeichhe zaithiam hlirin award an dawng ta a, hmeichhe zaithiamin he category-a award an dawn zawn rei ber a la ni.
Victoria Monet, SZA, boygenius leh Killer Mike ten award pathum theuh dawngin kumin Grammy-a award dawng hnem ber an ni. Killer Mike hian rap category-ah award a pumbilh a ni ber a, best rap album, best rap performance leh best rap song a dawng a, tunah hian kum 48 a tling tawh a, award dawn lawmthu sawi pain Killer Mike chuan rap turin upat luat a awm lo tih entirna a nih thu a sawi lang zauh bawk.
Lainey Wilson Bell Bottom Country chuan songwriter of the year, non-classical a dawng a, he category hi nikum atanga an telh thar chauh a la ni. Lainey Wilson hian Academy of Country Music Awards leh Country Music Awards-ah album of the year a dawng ve ve tawh bawk a. Tihian country music ‘triple crown’ an tih mai a dawng ta a, hetiang ti thei album pakuana a ni.
Chris Stapleton pawhin best country solo performance a dawng leh a, he award hi tum li a dawnna a ni ta a, he award dawng ngun ber a ni. Stapleton hian Dan Wilson nena an hla phuah dun ‘White Horse’ avangin best country song a dawng bawk. Mak ve mai mai chu kum 14 kalta khan he award vek hi Taylor Swift leh Liz Rose ten ‘White Horse’ tih hla thupui hmang thoin an lo dawng tawh a ni.
Joni Mitchell-i’n best folk album a dawng a, Grammy a dawn hmasak ber atanga kum 54-naah a Garmmy Award 10-na a dawng ta chiah a. Kum 54 kalta khan ‘Clouds’ tih hla avangin best folk performance a dawng a, hei a Grammy Award dawn hmasak ber a ni.
Metallica pawhin best metal performance an dawng a, he award hi vawi sarih an dawnna niin, he award dawng ngun ber an ni. Karol G pawhin best musica urbana album a dawng a, he Colombian hmeichhe zaithiam hi he category-a hmeichhe zaithiam award dawng thei hmasa ber a ni.
John Williams, tun Ningani-a kum 92 tling tawh mai turin Indiana Jones and the Dial of Destiny a hla ‘Helena’s Theme’ avangin best instrumental composition a dawng a, Grammy Award 26 a dawng tling ta chiah a, Grammy Award 26 chin dawng thei mi pasarih chiah an la awm a. Beyonce-i’n 32 dawng tawhin a la dawng hnem ber a, classical conductor Sir George Solti (31), Quincy Jones (28), Alison Krauss (27), Chick Corea (27) leh classical conductor Pierre Boulez (26) ten an dawt. Williams hi Grammy Award dawng thei kum upat lamah pangana a ni bawk. Grammy Award dawng thei upa ber chu Pinetop Perkins niin, 2011 khan kum 97 mi niin award a dawng a, Tony Bennett (95), George Burns (95), US President hlui Jimmy Carter (94) te pawh Grammy dawng thei upa zual an ni.
2024 Grammy Big Four category winners
2024 Grammy Award Winners (award hi category 94-ah sem a ni a, chung zinga category ngaihven
hlawh zuala award dawngtute kan rawn tarlang e) :
Album of the Year : Midnights- Taylor Swift
Record of the Year : “Flowers” – Miley Cyrus
Best New Artist : Victoria Monét
Song of the Year : Billie Eilish – “What Was I Made For
Best Pop Duo/Group Performance : “Ghost in the Machine” – SZA featuring Phoebe Bridgers
Best Pop Vocal Album : Taylor Swift – Midnights
Best Music Video : The Beatles – “I’m Only Sleeping”
Best Rap Album : Killer Mike – Michael
Best Rap Song : Killer Mike ft. André 3000, Future, and Eryn Allen Kane – “Scientists & Engineers”
Best Song Written For Visual Media : Billie Eilish – “What Was I Made For?”
Best Latin Pop Album : Gaby Moreno – X Mí (Vol. 1)
Best Rock Album : Paramore – This Is Why
Best Rock Song : Boygenius – “Not Strong Enough”
Best Country Album : Lainey Wilson – Bell Bottom Country
Best Country Song : Chris Stapleton & Dan Wilson, songwriters, Chris Stapleton – “White Horse”
Best R&B Album : Victoria Monét – Jaguar II
Best R&B Song : SZA – “Snooze”
Songwriter of the Year (Non-Classical): Theron Thomas
Justin Tranter
Producer of the Year (Non-Classical): Jack Antonoff
Best Pop Solo Performance : “Flowers” – Miley Cyrus
Best Pop Dance Recording : Kylie Minogue – “Padam Padam”
Best Alternative Music Performance : Paramore – “This Is Why”
Best Alternative Music Album : Boygenius – The Record
Best R&B Performance : Coco Jones – “ICU”
Best Melodic Rap Performance : Lil Durk feat. J. Cole – “All My Life”
Best Alternative Jazz Album: Meshell Ndegeocello – The Omnichord Real Book
Best Country Solo Performance : Chris Stapleton – “White Horse”
Best Música Mexicana Album (Including Tejano) : Peso Pluma – Génesis
Best African Music Performance: Tyla – “Water”
Best Score Soundtrack for Visual Media (Includes Film and Television) : Ludwig Göransson – Oppenheimer
Best Dance/Electronic Recording : Skrillex, Fred again.. & Flowdan – “Rumble”
Best Dance/Electronic Music Album: Fred again.. – Actual Life 3 (January 1 – September 9 2022)
Best Rock Performance : Boygenius – “Not Strong Enough”
Best Metal Performance: Metallica – “72 Seasons”
Best Traditional R&B Performance: PJ Morton ft. Susan Carol – “Good Morning”
Best Progressive R&B Album: SZA – SOS
Beat Rap Performance : Killer Mike ft. André 3000, Future, and Eryn Allen Kane – “Scientists & Engineers”
Best Country Duo/Group Performance : Zach Bryan ft. Kacey Musgraves – “I Remember Everything”
Best Gospel Performance/Song : Kirk Franklin – “All Things”
Best Contemporary Christian Music Performance/Song : Lecrae & Tasha Cobbs Leonard – “Your Power”
Best Gospel Album : Tye Tribbett – All Things New: Live In Orlando
Best Contemporary Christian Music Album : Lecrae – Church Clothes 4
Best Comedy Album : Dave Chappelle – What’s In A Name?
Best Compilation Soundtrack For Visual Media : Various Artists – Barbie The Album
Best Score Soundtrack for Video Games and Other Interactive Media : Star Wars Jedi: Survivor – Stephen Barton & Gordy Haab
Best Music Film : Moonage Daydream