2025-2026 team of the season – Kicksology BC
Champion Trophy 4 Hawntu!
Mizoram Basketball Association (MBBA) hnuaiah Aizawl District Basketball Association (ADBBA) a awm a, anni hian 2025-2026 chhunga an tournament buatsaih lian pathuma (ADBBA Season Opening, ADBBA Cup leh Screening tourney) champion nomawi chawitu chu Kicksology BC, Tuikual South an ni a, MBBA Inter District tourney Champhaia neihah Aizawl district aiawhtu he club tho hi an champion cheu – a mak satliah lo, a ropui a, champion trophy pali nen season an khar!
He team hian mumal taka ADBBA tourney neih tawhah record hlu bik siamin, season 1 chhunga champion trophy pali zet chawi thei awmchhun an ni a – an hneh tak Mission Vengthlang BC nen hian heng final tum li zetah te hian an inhmachhawn bawk a, thawnthu ngaihnawm danglam bik chhawpchhuakin MSVT BC lam hian final-a an ngam loh ngai laka tlawm ngun ber record chhia an neih hi thaibo an chak hle in a rinawm.
ADBBA hnuaiah hian division 1, 2 leh 3 an awm a, anni ho hian tourney thuhmun te khelin an ngam lo vek tihna a ni. Mission Vengthlang BC phei chuan tarlan tak angin an zawr hneh hle!
Division 1 lamah erawh MSVT BC hian Kicksology hi lehthal an tumruh dawn. Aizawl Derby match ropui tak he club pahnih hian min hlui leh a rinawm.
Hoops Mania Timeout
ADBBA Screening touney hi niminah khelh a ni a, a hnuaiah hian division pathum theuha champion team leh runners up te bakah an kal zelna tur te rawn chhawpchhuah a ni:
1. Division 1 – He division-ah hian club 10 awmin, final-ah RSC leh College MSVT BC te an inhmachhawn a, RSC hi an champion. Anni club 2 hi D league-ah an kai sang a; chutih rualin Ramthar Hollow BBSP leh Mischives BC te chu division 2-ah an tla thung.
2. Division 2 – He division-ah hian club 16 awmin, final-ah tarlan tak angin Kicksology BC leh MSVT BC te an inhmachhawn a, Kicksology hi an champion. Anni club 2 hi division 1-ah an kai sang a; chutih rualin Chawlhhmun BC, Ramthar Veng BC, AVL Pacemakers leh Sharks BC te chu division 2-ah an tla thung.
3. Division 3 – He division-ah hian club 41 awmin, final-ah Cinnamon leh AIEN BC te an inhmachhawn a, Cinnamon hi an champion. Anni club 2 hi bakah hian semi finalist Crixix BC leh Luangmual Archangels-te chu division 2-ah an kai sang bawk.
The Aizawl Post, Hoops Mania team of the year 2026 erawh chuhbuaitu awm lovin, division 2 champion Kicksology BC, Tuikual South an ni e. Anni club hi kum 2023 a din mai chauh kha an ni a, Mizoram Super League (MSL) lam hawia zin kawng hautak zet zawh mek an ni.
Kisksology BC:
1. Lalrinsanga, club owner Tuikual South
2. H. Lalhruaitluanga, head coach Mission Veng
3. Zonunsanga, asst. coach Zemabawk
4. Mawithangzuala, manager Tuikual South
5. Lalremmawia Tuikual South
6. Lalramngheta Sailo Chanmari
7. Lalrinpuia Republic
8. Malsawmpuia Tuikual South
9. K.Lalllawmawma Zemabawk
10. Joseph Lalrinzuala Tuikual South
11. Lallawmsanga Tuikual South
12. Jeptha F. Laltanpuia Tuikual South
13. Lalrinawma Luangmual
14. Zosangzuala Kanan
15. Lalhmingsanga Nursery
16. Lallawmzuala Tuikual South
17. Lalremruata Hunthar
18. Freddy Chanmari