2025 BET Awards-ah Kendrick Lamar a langsar
Mihang te puala chawimawina ngaihhlut hlawh tak BET Awards chu an rama June ni 9, keini tana nimin tuk khan kumin atan Peacock Theater, Los Angeles-ah an sem leh ta a, Kendrick Lamar langsar berin, nomination 10 a neih atangin award panga a dawng.
Lamar hian ‘GNX’ avangin album of the year a dawng a, SZA nena an zai dunna ‘Luter’ avangin best collaboration a dawng bawk. Hei bakah hian best male hip hop artist dawngin, he award hi tum riat a dawnna a ni a, he category-a award dawng ngun ber a ni. Drake a kahna ‘Not Like Us’ music video chuan video of the year a dawn bakah video director of the year Dave Free nen an dawn dun bawk.
Lamar hian kum sarih liamta khan ‘DAMN’ avangin album of the year a lo dawng tawh a, BET history-ah Beyonce nen chiah album of the year dawng nawn thei an la ni.
SZA pawhin best female R&B/pop artist a tum thum nan a dawng a, he category-a award tum thum chin dawng thei pathumna a ni. Chris Brown pawhin best male R&B/pop artist a tum riat nan dawngin, he category-a award dawng ngun ber a ni bawk. Brown hian Viewer’s Choice Award a tum li nan a dawng bawk a, he category-a award dawng ngun ber Beyonce (5) chiah a pha ta lo a, Lil Wayne nen tum li ve ve an dawng ta.
GloRilla ‘Rain Down on Me’ featuring Kirk Franklin & Maverick City Music chuan Dr. Bobby Jones Best Gospel/Inspirational Award a dawng a, Franklin tan te award a dawn vawi riatna niin, he category-a award dawng ngun ber a ni a, Maverick City tan a vawi hnihna leh GloRilla tan a vawi khatna a ni ve thung.
Jay-Z leh Beyonce te fanu Blue Ivy Carter chuan Young Stars Award a dawng a, nikum khan he award hi a dawng taw bawk. BET danah he category-ah hian award a dawn nawn deuh char char theih a, a dawng ngun ber Marsai Martin phei chuan tum nga a dawng thei.
Denzel Washington pawhin a tum nga nan best actor a dawng a, he category-a award dawng ngun ber niin, best actress chu Cynthia Enrivo-i’n a vawi khat nan a dawng ve thung.
Award dawng lo langsar zingah Drake leh The Weeknd an tel a, Drake hian nomination paruk a nei chungin kut ruakin a haw a, The Weeknd pawhin nomination pali neiin award a dawng lo bawk.
Award sem hmaa an lo puang tawh angin Kirk Franklin, Mariah Carey, Snoop Dogg leh Jamie Foxx ten BET Ultimate Icon Award an dawng a, mak angreng takin Mariah Carey tan BET Award a vawi khatna a ni!
2025 BET Awards Winners:
Album of the Year : GNX — Kendrick Lamar
Best Female R&B/Pop Artist : SZA
Best Male R&B/Pop Artist : Chris Brown
Best Group : Future & Metro Boomin
Best Collaboration : “Luther” — Kendrick Lamar & SZA
Best Female Hip Hop Artist : Doechii
Best Male Hip Hop Artist : Kendrick Lamar
Video of the Year : “Not Like Us” — Kendrick Lamar
Video Director of the Year : Dave Free & Kendrick Lamar
Best New Artist : Leon Thomas
Dr. Bobby Jones Best Gospel/Inspirational Award : “Rain Down on Me” — GloRilla feat. Kirk Franklin, Maverick City Music
Viewer’s Choice Award : “Residuals” — Chris Brown
Best International Act: Ajulicosta (Brazil)
BET Her : “Heart of a Woman” — Summer Walker
Best Movie : Luther: Never Too Much
Best Actor : Denzel Washington
Best Actress : Cynthia Erivo
Young Stars Award : Blue Ivy Carter
Sportswoman of the Year Award : Angel Reese
Sportsman of the Year : Jalen Hurts
2025 BET Awards-ah Kendrick Lamar a langsar
