2025 French Open prize money thlirna
Tennis inelna lian zual pali zinga pakhat French Open khelh mek thlir tinuamtu atan kumin atana an lawmman semchhuah dan tur (prize pot) hi tlirho teh ang.
French Open men’s singles champion lai chu ‘king of clay’ Rafael Nadal thlaktu rawn ni chho mek Spaniard Carlos Alcaraz niin, kumin hian a title kawl lai humhim chungin nikuma a hlawh aia tam a rut thei dawn em tih chu kan la hre chhawm ang chu!
Grand Slam palite hian trophy an pekchhuah bakah history bu luah thar tur an hringchhuak a, chuti china duhtawk ngah mai loin chil tiput tham prize money an tawktarh kumtin vek a ni.
Kum khat chhunga major tournament pahnihna khelh mek 2025 French Open-a an sum semchhuah dan tur chu luhchilh dawn ila.
Kumin atana total prize money hi euro maktaduai 56.352(USD 63.84 million) zet niin, nikum aia a punna chu 5.21% a ni.
Men’s & women’s singles
player-te hlawh tur:
First round : 78,000 euros
Second round : 117,000 euros
Third round : 168,000 euros
Round of 16 : 265,000 euros
Quarter-finals : 440,000 euros
Semi-finals : 690,000 euros
Runner-up : 1.275 million euros
Champion : 2.55 million euros
Men’s & women’s doubles
player-te hlawh tur:
First round : 17,500 euros
Round of 32 : 27,500 euros
Round of 16 : 43,500 euros
Quarter-finals : 80,000 euros
Semi-finals : 148,000 euros
Runners-up : 295,000 euros
Champion : 590,000 euros
Mixed doubles player-te hlawh tur:
First round : 5,000 euros
Round of 16 : 10,000 euros
Quarter-finals : 17,500 euros
Semi-finals : 31,000 euros
Runners-up : 61,000 euros
Champion : 122,000 euros
Trophy
La Coupe des Mousquetaires (The Musketeers’ Cup) an tih chu French Open tennis tournament-a men’s winner trophy niin, hmeichhe singles champion tan Suzanne-Lenglen cup women’s winner trophy serhhran diam a ni bawk.
Nikuma an hlawh nena khaikhinna
Kum 2024 men’s and women’s singles champion Carlos Alcaraz leh Iga Swiatek-i khan prize money inzat euro maktaduai 2.4 million euros (USD 2.72 million) ve ve an dawng a, kumin hian an title kawl lai ve ve an hum thei a nih chuan nikum aia tan euro maktaduai 2.55 ve ve an humhaw tawh ang.
Grand slam dangte lawmman pek dan
Australian Open 2025 singles champion pahnih Jannik Sinner leh Madison Keys-te khan Australian dollar 3,500,000 (USD 2.26 million) ve ve an hawn.
US Open 2024 singles champion Sinner leh Aryna Sabalenka-te kutah US dollar maktaduai 3.6 ve ve a lut.
Wimbledon 2024 singles champion pahnih Alcaraz leh Barbora Krejcikova-te’n pound maktaduai 2.7 (USD 3.61 million) an hlawh dun.
Kumina Grand Slam palite prize money san belh leh duai chhan hi tunhnai lawka world top player-te’n ziaka major palite hnena hlawh san tura ngenna an thehluh vang a ni.