Ryan Coogler-a horror movie siam ‘Sinners’ chu kumthara award chi hrang hrang an sem hunah a langsar dawn anih hmel khawp mai a, kumthara award sem tur nomination an puan hmasak 2026 Critics Choice Awards nominatons-ah a langsar ber a, he award-ah pawh hetiang khawpa boruak a neih chuan award dangah pawh a huhang a lian ngei dawn niin a lang.
‘Sinners’ hian nomination 17 neiin, nomination ngah ber a ni a, ‘One Battle After Another’-in nomination 14 neiin a dawt a, ‘Frankenstein’ leh ‘Hamnet’ ten nomination 11 ve ve an nei a, ‘Martin Supreme’ (8), ‘F1’ (7), ‘Sentimental Value’ (7), ‘Wicked: For Good’ (7), ‘Train Dreams’ (5), ‘Jay Kelly’ (4) leh ‘Weapons’ (4) te pawh nomination a langsar pawl an ni.
Television lamah Netflix ‘Adolesence’ langsar berin, nomination paruk a nei a, ‘Nobody Wants This’ (5), ‘All Her Fault’ (4), ‘Death by Lightning’ (4), ‘Ghosts’ (4), ‘Hacks’ (4), ‘Severance’ (4) leh ‘The Pitt’(4) te pawh a langsar zual an ni.
Kumin hian category pali an telh thar a, film lam tan pathum (best stunt design, best casting & ensemble, leh best sound) ti tharin, television tan pakhat (best variety series) an ni.
January ni 4, 2026-a sem tur Critics Choice Awards hi a vawi 31-na tur niin, Chelsea Handlers-i’n a host dawn a, a zawna tum li he award show a host-na tur a ni ta a, award semna hi Barker Hanger, Santa Monica, California-ah an nei ang.
2026 Critics Choice Awards Nominations-ah ‘Sinners’ a langsar
