2026 iHeartRadio Music Awards nominations-ah Taylor Swift a langsar

2026 iHeartRadio Music Awards nominations-ah Taylor Swift a langsar
2026 iHeartRadio Music Awards nominee an puang a, Taylor Swift-i’n nomination pakua neiin a langsar ber a, Bad Bunny, Sabrina Carpenter leh Alex Warren ten nomination pariat theuh neiin an dawt. 2026 iHeartRadio Music Awards hi March ni 26 hian Dolby Theatre, Los Angeles-ah an sem ang.
Taylor Swift nomination pakua neih zingah hian artist of the year a tel a, he award hi 2024 leh 2025-ah te pawh Swift hian a dawng tawh a, kumin hian Bad Bunny, Benson Boone, Chris Brown, Jelly Roll, Kendrick Lamar, Lady Gaga, Morgan Wallen, Sabrina Carpenter leh Tate McRae te nen nomination-ah an awmho a, award dawng tur rinthiam a harsa riau a, Swift hian a zawnin kum thum a dawng thei ang em?
Benson Boone hian nikum khan ‘Beautiful Things’ avangin song of the year a dawng a, kumin ian “Sorry I’m Here for Someone Else’ avangin he category-ah hian nominate a ni leh a, he category a nominee dang, Taylor Swift pawhin he award hi ‘Shake if Off’ (2015) leh ‘Anti-Hero’ (2023) avangin a lo dawng tawh a, kumin hian ‘The Fate of Ophelia’ avangin nominate leh a ni a, SZA pawhin ‘Kill Bill’ (2024) avangin award a dawng tawh a, kumin hian Kendrick Lamar nena an zai dunna ‘luther’ avangin nominate a ni leh bawk. He category-ah hian Doechii “Anxiety,” Shaboozey “Good News,” Wallen “Love Somebody,” Carpenter “Manchild,” Leon Thomas “MUTT,” Warren “Ordinary” leh Myles Smith “Stargazing” te pawh nominate an ni a, award dawng tur ber rinthiam a harsa riau.
iHeartRadio Music Award-ah ian 2025 chhunga iHeartRadio station leh iHeartRadio appa zaithiam leh hla play nasat dan atanga tehin nomination hi siam a ni a, kumin hian category thar- favorite TikTok dance, favorite debut album leh favorite K-pop collab te telh thar a ni.
Category 11- favorite Broadway debut, favorite TikTok dance, favorite debut album, best lyrics, best music video, favorite on screen, favorite tour photographer, favorite soundtrack, favorite tour style, favorite tour tradition leh favorite K-pop collab-ah te hian fan vote atangin award dawng tur thlan a ni dawn a, iHeartRadio.com/awards ah voting an awng tawh a, March ni 19 thleng a vote theih ang.