2026 MusiCares Person of the Year-ah Mariah Carey chawimawi dawn

2026 MusiCares Person of the Year-ah Mariah Carey chawimawi dawn
2026 MusiCares Person of the Year benefit gala-ah Mariah Carey pualin hun an hmang dawn a, he event-ah hian Grammy pawh lo dawng tawh Billy Poeter, Foo Fighters, Jennifer Hudson, John Legend leh Laufey te bakah Grammy nominated artist Adam Lambert, Charlie Puth, Kesha, Maggie Rogers leh Teddy Swim te leh Taylor Monsen te pawh Mariah Carey pualin an perform dawn a, he event-a artist inlan tur midang pawh an la puan belh leh ang. He event hi 68th Grammy Awards sem hma zan hnih, January ni 30-ah an nei ang.
Mariah Carey chuan thuchhuah siamiun, a puala perform tur artist te chungah lawmthu a sawi a, “He hun rawn inlan tur artist ropui tak tak te hi ka tan chawimawina ropui tak a ni. An thilphalna, an inpekna leh an tel vena ringawt pawh ka tan sawingaihna awm lo khawpa lawmawm a ni tawh. MusiCares chawimawinaa peng pakhata ka lo tel ve leh music community min support-na zawng zawng hi ka tan a ropui takzet a ni. Rimawi hi tidamtu a ni tih ka ringtu ka ni a, chu chu midangte nena chanho tur a ni,” a ti.
35th annual MusiCares Person of the Year gala hi cocktail reception-a bul tanin, dinner leh all-star tribute an nei zui ang a, MusiCares tana sumtuak nan live auction te pawh an nei nghal dawn a, heta an auction turah hian 2026 Grammy Awards a VIP Floor Bistro te pawh a tel ang.
1991 atang khan MusiCares program-a hian rimawi kaihhnawih a eizawng te leh an chhungte chhawmdawlna chi hrang hrang kalpui a ni a, sum leh pai anga intanpuina te, addiction recovery, mental health service, diasater relief bakah kawng hrang hranga chhawmdawlna an kalpui thin a ni.