2036 Olympic Games thlen tum ruh India
Nilaini khan Indian Olympic Association (IOA) president PT Usha chuan Inda-in 2036 Olympic Games thlen a tumna kawngah sawrkar laipui pawh theihpatawpin a tang tih a sawi a, India leilunga infiamna kutpui lian ber nghah a nih theihna’n hian an theihna zawng zawngin an bei chhunzawm zel dawn tih a tarlang tel.
Track and field star hlui Usha hian Gandhinagar district-a Dehgam bul lawka Rashtriya Raksha University (RRU) hmuna 1st International Olympic Research Conference-ah he thu hi a sawichhuak a ni.
Thawhlehnia Dehradun khawpuia 38th National Games opening ceremony-a Games hawngtu Prime Minister Narendra Modi pawhin a sawrkarin 2036 Olympics thlen an tumna kawngah hmalam an pan zel tih sawi chungin Olympic Games thlen chu Indian sports tan bung thar kaina leh infiamna pawn lam thlenga hlawkpui tur a nih thu a sawi ve bawk.
2036 Olympic Games thlen tum ruh India
