Amritsar, Punjab a Junior Boys National Football Championship for Dr B.C Roy Trophy 2025-26 khelh mekah Nilaini zing khan Mizoram chuan an match hnihna an khel a. Chandigarh lakah 10-0 ngawta chak tawh Mizoram Junior team hian an khingpui Chhatisgarh chu 9-0 ngawtin an sawp zui leh.
Mizoram Sub Junior team hi an game hmasa ang thoin an khel Tha a, an khingpuite an ngam leh pek hle. Inkhel Tantirh phat aTangin an khingpuite an nawr nghal chat a, goal pawh an thun har lo. Inkhel Tan aTanga minute 12-na lekah midfielder Lalrempuia chuan hmahruaina goal a thun. Hma takah goal an thun vangin an phur a, goal an thun belh leh thuai bawk. Goal hmahruai an thun aTanga minute ruk hnu lekah Lalawmpuia chuan an goal hnihna a thun a, an hmahruaina a tizau.
Inhnaihchilh taka goal hnih an thun hnuin goal thun chhunzawm thei mai lo mah se chawlhlawk dawn hnaiah goal hnih an thun belh leh ta tho thung. Minute 40-naah Joel Lalremruata chuan an goal thumna a thun a. Chawlhlawk dawn hnaih minute 44-naah Malsawmdawngkima chuan an goal lina a thun belh zui leh a, si li faia hmahruai chungin chawlhlawk an hmang.
Chawlhlawk hnu lamah Mizoram an khel Tha chhunzawm a, goal nga ngawt an thun belh leh. Second half Tan aTanga minute ngana lekah Enok Lalchelzinga chuan an goal ngana a thun. Chhatisgarh lamin an si phurh sut tum viau mah se ball thiam zawk leh game mumal zawk Mizoram an nawr let hlei thei lo. Chhatisgarh hian Mizoram lakah goal an thun thei lo a ni mai lova, goal chhuah belh lo tur tak ngial pawhin chakna an nei lo. Goal nga ngawt an thun tawh vanga phur tak Mizoram tan hian Victor Vanlalmalsawmdawngzela chuan minute 57-naah an goal rukna a thun zui leh zat.
An khingpuite laka goal ruk ngawt an thun hnuin Mizoram an inthlahdah chuang lo. Minute 73-naah S Lalremsiam-an an goal sarihna a thun hnuin goal khat thun awh Lalawmpuia chuan minute 90+1-ah an goal riatna a thun a. Goal hmahruai thuntu Lalrempuia chuan minute 90+3-ah an goal kuana thunin a tawp a khar. Midfielder hmuhnawm Lalrempuia hian 44Group D (Tier I) Match hnihna July 23, 2025 (Wed) hian Amritsar, Punjab ah khel niin, Mizoram team chuan Chhatisgarh lakah goal hnih a thun bakah assist vawi khat a nei bawk a, a cheTha hle.
Chhatisgarh lakah an khelh That vangin Mizo player parukte chu Nivia in kum li chhung an thawnhnaw an sponsor dawn. Mizoram hian Zirtawp tlai dar 4:00-ah Maharashtra an hmachhawn zui leh dawn. Maharashtra hian Mizoram ang thovin point ruk an hmu tawh a, group champion nih an inchuh zui dawn.
