Mizoram Snooker & Billiards Association (MSBA) buatsaih Mizoram State 9 Ball Pool Ranking 2024-2025 Inrinni zana zawh fel takah Lalrina Renthlei, Tuikhuahtlang a champion.
Final match hi ‘Race to 9’ hmanga khelh niin, Lalrina leh a tumpui Lalsangzela, Khatla South hi an inhnehtawk hle.
MSBA player tha pahnihin final an khel a ni a, an game a hmuhnawm a, frame an inlak chhawk zak zak hnuah Lalrina Renthlei hian 9-6 (frame 9 – frame 6)-in hnehna a chang ta a ni.
Mizoram State 9 Ball Pool Ranking 2024-2025 champion leh runner up lawmman hian medal, certificate leh pawisa fai a keng tel a; semi-finalist pahnih K. Lallawmkima leh R. Lalthazualate pawh lawmman pawisa fai hlan an ni.
He tournament hi May ni 20 atang khan MSBA Hall, Hawla Indoor Stadium, Republic Vengthlanga khelh tan niin, Inrinni zan khan a hmawr bawk a ni.
Mizoram Snooker & Billiards Association buatsaih Mizoram State 9 Ball Pool Ranking 2024-2025 hi Mizoram State Sports Council-in an sponsor a ni a; Mizoram hmun hrang hrang atangin player 40 chuang an tel.
9 Ball Pool champion Lalrina Renthlei
