A hlawma heroin lalut thintu man
Central YMA-in City Branch YMA-te zone hrang hranga a then, Zone Anti Drugs Squad (ZADS) zinga Zone II chuan February 23 zan khan heroin TicTac bur 6 an man a. Hemi hnu hian Central Anti Drugs Squad kuta hlan niin, an ruihhlo lakna an chhuina kalzelah khawchhak lam atanga a hlawma heroin laluttu ber Vanlalena (43) chu Thuampui Vengah an man.
Thudawn danin, Vanlalena hian a heroin semchhuah bang a dahna dik tak a sawi mai duh loh avangin CADS hian ruihhlo a la dahna hmun a sawi chu tlaivarin an umzui a; February 24 zan khan an inah a nupui a dahthat tir tih a sawi ta a. A nupui thu zawhfiah a nih hnuah heroin hawng hnih chu commode-a a paih vek tawh thu a sawi zet a, mahse an ina cheng ve an unaupa Lalrinkima (49) chu ramhnuaiah a dahthat tir tih a sawi leh ta zawk a ni. CADS, Excise & Narcotics leh YMA Thuampui Branch chuan ramhnuai hi dapin, heroin hawng hnih thuhruk hi an manchhuak a ni.
Central YMA hnuaia Zone Anti Drugs Squad (ZADS) a Zone II-ah hian YMA Branch hrang hrang – Durtlang, Durtlang Leitan, Durtlang North, Leitan Ramthar, Muthi, Nausel, Selesih, Sihphir leh Sihphir Venghlun an awm a ni.
A hlawma heroin lalut thintu man
