Election Commission of India ruahman anga Aizawl South-III bial Muallungthu Polling Station-a vote thlak thatnaah, vote thlak ni pangngaia vote tla aiin a tla tlem zawk.
November 7-a vote thlak ni khan vote 1084 awmna Muallungthu P/S ah hian vote 999 a tla a, mock poll-a tla paih a nih hnu ah vote 952 tla in, hei hi vote awm zat atangin zaa 87.82 a ni. November 10-a vote thlak thatnaah hian vote 944 a tla thung a, zaah 87.08 niin, vote thlak ni pangngaia vote tla aiin 8-in a tlem.
Tarlan tawh thin angin, Muallungthu P/S ah hian EVM an hmanah vote thlak chhinna (mock poll) a vote tla paih a ni loa, a tirah polling official-ten thuneitu sang zawkte an hrilhhriat loh avangin vote thlak ni (poll day) a vote tlate nen a inpawlh a ni. Election Commission rawn a ni a, an ni hian vote thlak tha tura tiin a ni pawh a rawn ruat nghal a ni.
Vote thlak that lehna hi tluang taka kalpui niin, political party hruaitute leh campaigner engemawzatin vote thlak chhung hian Muallungthu hi an thutchilh a ni.
A hma aiin vote tla tlem
