Vinod Kumar Choudhary, ‘Typing Man of India’ tia a hming lem an phuah sak hial chuan hnar (nose) hmanga English alphabet (a, b, c…z) type chhuak rang ber record a siam leh ta a, he record hi a vawi thum siamna a ni ta. Computer keyboard-a thil chhut lamah India hi kan sang riau a ni ang e, hmanni lawkah a lêt zawng (z, y, x…a) type rang ber record siam pawh an awm kha.
Choudhary, kum 44, hian 2023 khan hetiang record hi a vawi khat nan a siam a, chumi tum chuan second 27.8 chhungin a hnar hmangin English alphabet hi a type chhuak hman a, hemi kumah vek hian ama record hi khum lehin, second 26.73 chhungin a type leh thei a, tunah record thar siam lehin, second 25.66 chhungin a type chhuak hman ta a ni.
Guinness guidelines-ah chuan record siam tur hian standard QWERTY keyboard ngei hman tur a ni a, alphabet pakhat type zawhah space a awm ngei ngei bawk tur a ni.
Choudhary hian kut pakhat chauh hmanga a lêt zawnga alphabet type rang ber record bakah, keyboard hnungchhawn zawnga ding chunga alphabet type chhuak rang ber record te pawh a lo siam taw bawk a ni.
A hnar hmanga alphabet type-in record siam
