Kylie Jenner chu a in a hnathawka a chhawr thin Angelica Vasquez chuan chi inthliarna rawngkaiin a hnathawhpui te hmaa hnuaichhiah takin a tinawmnawh ni a puhin, court-ah a zualko a, Angelica hian Jenner-i in, Hidden Hills, California-a a thawh laiin nasa taka tihnawmnah a nih thu court-ah hian a thlen a ni.
Angelica hi Salvadoran (El Salvador mi) niin, Catholic a ni bawk a, a chawrchhuahna leh a sakhaw rinna avang hian tihnawmnah a ni thin niin a tarlang a, hna hautak leh thawh hrehawm lai ber thawh tir bik thin niin, housekeeping team-ah pawh telh lovin, a thawhpuite hmaa a chawr chhuahna ram leh sakhuana avanga diriamna a tawk nasa hle niin a tarlang. Angelica hi September 2024 atanga August 2025 thleng Jenner hnuaiah hian a thawk a ni.
Hetianga tihnawmnah leh diriamna a tawh thin avang hian anxiety, stress nasa tak leh post-traumatic stress disorder te a neih phah a, July 2025-ah pawh medical leave a lak phah hial niin a tarlang a, a hna a zawm leh hnuah pawh a chunga hleilenna chuan zual lam a pan zel avangin August 2025-ah chuan, “Ban mai loh chu duhthlan tur ka nei ta lo a ni,” a ti.
Angelica chuan a chunga thil thlenga mawphurtu chu hrem tur leh a tawrhna avanga zangnadawmna pe turin court-ah hian a thlen a ni.
A housekeeper hluiin Kylie Jenner a khing
