Sawrkar hnathawkten a hun taka thlatira hlawh an la thei ta zel chu finance changtu chief minister sum enkawl thiam vang a ni tih ZPM Thalai chuan an sawi.
ZPM Thalai Hqrs. thuchhuak chuan, Mizorama political party zinga budget pawh la pharh ngailo tia diriam-na dawng thin ZPM party chuan Pathian leh mipui duhsakna azarah Mizoram state budget 2024- 2025 chu finance changtu chief minister Pu Lalduhoma’n Assembly House-ah a tum khatna atana a pharh ve thei ta chu lawmawm a tiin, hun chhinchhiah tlakah a ngai tih a sawi.
Kum engemawti chhung sawrkar hmasaten a hnathawkte hlawh a hun taka an pek theih tawh loh hnu ah, sawrkar hnathawkte hlawh pek chhuah hun chungchangah ni 1-ah emaw ni 15-ah emawa pek chhuah pawh nise a amount a ngai reng, tia sawimam ve mai loin, sawrkar kum thar atanga bul tan a, a hun taka sawrkar hnathawk hlawh pek chhuah a ni ta hi sum enkawl thiam Finance minister leh CM ni bawk kaihhruai sawrkar a chhuang takzet tih a sawi bawk.
‘Chief minister Pu Lalduhoma kaihhruaina hnuaiah sawrkar hnathawkte leh mipui thlamuang taka kan awm thei ta leh, Finance department lama a thawhpuite thawhrimna leh inpeknaah lawmthu kan sawi a ni,’ ZPM Thalai chuan a ti.
A hun taka hlawh pekchhuah CM sum enkawl thiam vang – ZPM Thalai
