A khabe-a leihlawn balance-in record siam
David Rush hming lam tawh chuan Guinness World Records title a lang nghal tlat tawh. Record siam hnem lama record siam thei te kha a ni lehzel a. Tunah pawh record a siam leh ta a, a khabe-ah leihlawn dahin, minute 19 leh second 11 chhung a balance thei a, Guinness World Record a siam.
Rush hian hetiang record hi 2016 khan a lo siam tawh a, chumi tum chuan minute 5 leh second 31 chhung balance-in, Guinness World Record 10 a siamna chiah a ni a, tunah chuan record 350 chuang a siam tawh. 2016-a a record siam hi 2018-ah khumin, minute 11 a ti thei a, mahse, chu record chu midangin minute 18-in an rawn khum ve leh a, tunah Rush hian record thar a siam leh ta a ni.
Rush chuan, “Vanduaithlak takin stopwatch a lo chiang lo deuh a, a dik takah chuan minute 19 leh second 13 tur a ni a, mahse, second 2 ka hloh phah ta a ni,” a ti.
A khabe-a leihlawn balance-in record siam
