A pole vault record khumtu Duplantis
Sweden tlangval Armand Duplantis chuan Thawhtanni khan Stade de France, Saint-Denis, Paris-ah mautlawn hmanga zuang sang ber nihna a hlenchhuak a, Olympics men’s Pole Vault final hnehtu a nih rualin mipa pole vault world record a kawl mek a khum!
Duplantis hi Olympic Pole Vault champion lai ni chungin Paris-ah hian a inlan a, attempt vawili lekah a title kawl lai a humhim mai a, gold medal a chian hnu hian zuang lehin, 6.25 metres hmangin kumin April thla maia metre 6.24 puitlin chunga world record a lo siam tawh kha amah vekin a chawkchhe zui leh ta a ni!
A first attempt-a metre 6.10 lek pawh kha 2016 Rio Games-a Thiago Braz-a Olympic record (6.03) khumna’n a tawk hle a ni!
Silver medallist chu American Sam Kendricks niin, Greece tlangval Emmanouil Karalis kutah bronze medal a lut ve thung.
Kum 25 mi lek la ni chungin Swede Armand Duplantis hi world record holder, double Olympic, double world, triple European leh double indoor world champion a ni der tawh!
A pole vault record khumtu Duplantis
