October thla 2026 World Cup qualifier-a Uruguay laka Brazil tlawm tuma a khup veilam ruh tina Al-Hilal forward Neymar Junior an zaina chuan a tha zawngin hna a thawk tan a, a tha zawngin a taksain a chhanglet niin media lamah tarlan a ni.
Brazil forward hliam hi infiammite harsatna tawh langsar leh tlanglawn mang-anthlakberte zinga mi – khup ruh chhung tha thler/chat (anterior cru-ciate ligament & me-niscus injury) an tih ang (?) kha niin, serious knee injury an tih thin kha a ni a, chutiang enkawlna (zai) chu a tawi zawngin ACL surgery tih niin, hetiang hliam damchiang tur chuan a lo berah pawh thlariat atanga thla 10 lai a ngai.
Chutiang khawpa infiammite tana hliam manganthlak a nih avangin a vanduai zual tan phei chuan an career titawitu niin, taksa mai bakah rilru lam thlengin puihna an mamawh em em thin a, Neymar pawh hian hliampui a tawrh hnuah Instagram kaltlangin tunhma zawng ai khan a chhungte leh a thianthate a mamawhna a sang zawk tih a tarchhuak nghe nghe.
Zai a tawh hnua a tha zawnga Neymar-a taksain enkawlna a dawnsawn thu hriat a nih rual hian amah viltu doctor-te chuan khelmuala a kirleh hun tur sawi theih a nih rih loh thu an tarlang.
Brazil team doctor Rodrigo Lasmar chuan Thawhtannia Sao Paulo khuaa news conference a hmachhawn tumin Ney-mar-a rilru puthmang a sawichhuak a, ngaiawh leh a tum ruh nasa tih sawi a, a hliam dinhmun leh an enkawl dan tur an hrilhfiah hnuah an rawtnate pawm chunga hmalam hun a thlir zui nghal thu a sawi.
Uruguay laka sihnih faia Brazil tlawm tum khan first half-ah Neymar hi hliam avangin zawnchhuah a ni a, a dinhmun endik a nih hnuah serious knee injury ani tih nemngheh a ni a, inzaina chemte a hma-chhawn zui ta a ni.
Kum 31 mi Ney-mar hi kumin nipui lai khan Saudi Pro League club Al-Hilal chuan Paris St-Germain atangin euro maktaduai 90 (£77.6m) bakah a khelh dana zira a man zat la pung chho leh thei turin an senglut a, mahse, a tha lamah harsatna a tawh chhoh deuh reng avangin game nga chiah a la khelhsak tling a, tunah heti hi a ni zui leh ta a ni.
A tha zawngin Neymar-a khup zaiin hna a thawk
