Mizoram chief minister-in a thiante a sawiin titi a tling thin a, Ambani leh Kiren Rijiju te nena an inthian chungchang a lar hnuah tun hnaiah Assam chief minister ni tura lakluh thar “ka thianpa” tia a sawi thu a thang leh.
May ni 12-ah Assam-ah BJP sorkar thar lakluh a ni a, he huna tel tura kal Mizoram chief minister Lalduhoma chu media-in an lo kawm a, Himanta Biswa Sharma chu a thian hnai (close friend) tiin a sawi a ni. |hianpa a tih bakah ‘Ka u ang a ni’ (like a big brother for me) tiin a sawi.
He huna tel ve bawk Dr K Beichhua, MLA, Mizoram BJP president pawhin “Vawiin chu kan ‘close friend’ CM-a an lakluhna programme-ah kan tel ve e,” tiin facebook-ah a post.
Anni pahnih hian thian intawm dang an nei a, union minister Kiren Rijiju chu “ka thianpa” tiin an lo sawi tawh ve ve.
Rijiju hi nikuma Mizorama a rawn kal dawn khan chief minister-in ‘ka thianpa a ni e,’ tiin a sawi a, a rawn kal hnuah Dr Beichhua hian “Ka thianpa” tiin social media-ah a post. Dr Beichhua hian Rijiju chungchang a post hian awmze neiin thusawi kualkhungna (double inverted comas) a hmang a, Himanta chungchang a sawi pawhin ‘close friend’ tih hi doble inverted comas chhungah a dah.
Chief minister hian Assam inthlan hma khan Assam-ah Himanta hi “ka thianpa” tiin a lo sawi tawh a, March ni 19-a Ronpur, Karimganj district-a Thangram Cultural Meet-a a tel khan Himanta chu a thianpa nia sawiin, a lama tang turin Zo hnahthlakte a chah a ni.
He huna telte sawi danin, Zo hnahthlakte chu an vote tidarh lo turin a hrilh a, a tling tur chiang sa hi vote rawh u tiin a chah a ni. Heng lai bial Ram Krisna Nagar constituency-ah hian BJP leh
Congress candidate bakah independent candidate-te an awm a, BJP candidate hi campaign tirh atanga tling tur chiang saa ngaih a ni.
“|angrual tur leh a tling ngei tur vote turin min ti a, ‘Himanta hi ka thianpa a ni a, ramri chungchangah intihbuai loh kan sawi a. Ani bulah chuan in harsatnate ka thlensak thei ang che u,’ tiin a sawi a,” Ram Krishna Nagar biala Zo hnahthlak pakhat chuan a ti a, harsatna an ngah thu leh Mizoram chief minister-in a sawipui theih an beisei thu a sawi bawk.
“A thianpa” lakluhnaah Mizoram CM
